काठमाडौं– कार्यसम्पादन मूल्याङकनसम्बन्धि गोप्य सरकारी कागजपत्र कीर्ते गरेको आरोप झेलिरहेका एमाले सांसद तथा पूर्वडिआईजी नवराज सिलवाललाई पक्राउ गर्न ललितपुर प्रहरी असफल भएको छ।
उनलाई पक्राउ गरी उपस्थित गराउन महानगरीय प्रहरी परिसर काठमाडौंले ललितपुर परिसरलाई गत पुस १८ गते पत्राचार गरेको थियो। ८ दिनपछि ललितपुर प्रहरीले सिलवाल नभेटिएको भन्दै काठमाडौं प्रहरीलाई पत्राचार गरेको छ। व्यक्ति फेला नपरेपछि बुधबार काठमाडौं प्रहरीलाई पत्र लेखिएको ललितपुर प्रहरीका प्रमुख एसएसपी गणेश ऐरले बताए।
काठमाडौं परिसरलाई पठाएको पत्रमा ‘घर ठेगानामा जाँदा नवराज सिलवाल नभेटिएको’ उल्लेख छ। सिलवालको स्थायी ठेगाना गोदावरी नगरपालिका वडा नम्बर ४ मा पर्दछ। उनको घरमा महानगरीय प्रहरी वृत्त सातदोबाटोबाट प्रहरी पटक पटक घर प्रहरी पुगेको थियो।
आफुविरुद्ध पक्राउ पूर्जी जारी हुने थाहा पाएपछि सिलवाल गत पुस १५ गतेदेखि नै घरमा बस्न छाडेका थिए। उनले आफु मलेसियामा रहेको भन्दै पछि अन्र्तवार्ता दिएका थिए। अनुसन्धानमा प्रहरीलाई सघाउने बताएका सिलवाल हालसम्म फरार छन्।
काठमाडौं प्रहरी स्रोतका अनुसार उनले पेश गरेको कागजपत्र कीर्ते भएको भनेर प्रयोगशालबाट रिपोर्ट आएपछि सोधपुछका लागि उनलाई उपस्थित गराउन ललितपुर प्रहरीलाई पत्राचार गरिएको हो। नेपाल प्रहरीको आईजिपी नियुक्तिसम्बन्धि मुद्दामा सिलवाले पेश गरेका कागजपत्र कीर्ते भएको सर्वाेच्चको फैसलाका आधारमा काठमाडौं प्रहरीले अनुसन्धान अघि बढाएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766928868.png)
-1764146706.png)
-1766648928.png)
