काठमाडौं- डा गोविन्द केसीमाथि लागेको अदालतको अवहेलना मुद्दामा आज सर्वोच्च अदालतमा बहस हुँदैछ। प्रधानन्यायाधीश गोपाल पराजुली विरुद्ध सोमबार आफ्नो १४औं अनसन सुरु गरेका डा केसीलाई अवहेलना मुद्दामा सोमबार साँझ नै पक्राउ गरिएको थियो। मंगलबार सर्वाेच्च अदालतमा बयान नसकिएपछि वीर अस्पताल लगिएका डा केसीले अस्पतालमै अनसनमै सुरु गरेका छन्। स्वास्थ्य अवस्था बिँग्रदै गएपछि प्रहरीले उनलाई हिरासतमा नराखी अस्पतालमा लगेको थियो।
सोमबार उनलाई महानगरीय प्रहरी वृत्त अनामनगरमा राखिएको थियो। मंगलबार भने अदालतबाट उनलाई सिधैं अस्पताल पुर्याइएको हो।
सर्वोच्चले बयान सकेर अस्पताल पठाए पछि डा केसीलाई बुधबार बिहान १० बजे अदालत उपस्थित हुन भनेको छ।
चिकित्सा शास्त्र अध्धयन सस्थान(आईओएम)को डिन नियुक्तिसम्बन्धि फैसलामाथि डा केसीले दिएको अभिव्यक्तिलाई लिएर सोमबार सर्वाेच्चमा अवहेलना मुद्दा दायर भएको थियो। लगत्तै सर्वाेच्चले उनलाई पक्राउ गरी उपस्थित गराउन आदेश दिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
