किन बेचियो एकैदिन सिभिल बैंकको साढे १७ करोड प्रोमोटर सेयर?

कर्पोरेट

नेपाल लाइभ बुधबार, असार २५, २०७६ १८:५८

काठमाडौं– बुधबार एकैदिन सिभिल बैंकको १७ करोड ५३ लाख ५९ हजार ४ सय कित्ता प्रोमोटर सेयर बिक्री भएको छ।

प्रतिकित्ता १ सय रुपैयाँ दरका उक्त सेयर एकैदिन ठूलो परिमाणमा बिक्री भएपछि आज सिभिल बैंक कारोबार र सेयरमा भएको किनबेचको आधारमा नेप्सेमा पहिलो नम्बरमा देखियो।

सिभिल बैंकका अध्यक्ष ईच्छाराज तामाङसँग सम्बन्ध बिच्छेद गरेको भनिएकी उनकी पत्नी सिर्जना शाक्यको नाममा रहेको उक्त सेयर कर्मचारी सञ्चय कोषले किनेको हो।

सिभिल बैंकले केही समयअघि उक्त सेयर लिलाममार्फत बिक्रीका लागि सूचना जारी गरेको थियो।

तामाङ नै अध्यक्ष रहेको सिभिल ग्रुपअन्तर्गत सिभिल होम्स, सिभिल सहकारीलगायत संस्थाहरू पछिल्लो समय वित्तीय संकटबाट गुज्रिरहेको समाचार आइरहेका बेला उनले आफ्नो श्रीमतीका नाममा रहेको प्रोमोटर सेयर बिक्री गरेका हुन्।

प्रचलित कानुनी व्यवस्थाअनुसार पति वा पत्नी सञ्चालक समितिमा रहेका बेला संस्थापक सेयर बिक्री गर्न नपाउने व्यवस्था भएपनि तामाङ र शाक्यले सम्बन्ध बिच्छेदको प्रमाण सम्बन्धित निकायमा बुझाएपछि उक्त सेयर बिक्री गरिएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुप्रिम सहकारी ठगी प्रकरणमा रवि लामिछानेसहित ४२ जनाविरुद्ध मुद्दा दायर

यू–१९ महिला विश्वकप: भारतीय स्पिनरसामु वेस्टइन्डिजका ब्याटर स्तब्ध, ४४ रनमै समेटियो

यो सरकार आगामी निर्वाचनसम्म जानेमा ढुक्क रहदा हुन्छ: गृहमन्त्री लेखक