काठमाडौं– भारतको अमृतसरको एक अदालतले २०१४ मा भएको एक कैदीको हत्या प्रकरणमा ११ प्रहरी अधिकारीसहित १३ जनालाई दोषी ठहर गरेको छ।
कैदीको अपहरण गरी हत्या गर्ने कार्यमा प्रहरीको समेत संलग्नता पुष्टि भएको भन्दै अदालतले उनीहरूलाई दोषी ठहर गरेको हो। अतिरिक्त न्यायाधीश सन्दीप सिंह बाजवाले उनीहरूलाई कैदको अपहरणपछि हत्या गर्ने कार्यमा संलग्न रहेको ठहर गरेको हो।
उनीहरूलाई सजाय कति गर्ने भन्ने निर्णय भने हुन बाँकी रहेको छ। यसरी दोषी ठहर हुनेमा पञ्जाव प्रहरीका पुर्व निरिक्षक नारंग सिंह,पूर्व सहायक उपनिरीक्षक गुलशनवीर सिंह र सविन्दर सिंह रहेका छन्।
त्यस्तै मुख्य आरक्षक जगजित सिंह,गुरप्रित सिंह र लखबिन्दर सिंह पनि दोषी ठहर भएका छन्। पूर्व आरक्षक मखतुल सिंह, अंगरेज सिंह, लखविन्दर सिंह र जगतार सिंह अन्य दोषी ठहर हुनेमा रहेका छन्।
हत्याको एक घटनामा आजिना कारवासको सजाय काटिरहेका एक कैदी बिक्रमजीत सिंहको पाँच मई २०१४मा उपचारका लागि एक सरकारी अस्पतालमा लगिएको थियो। नारंग सिंहको नेतृत्वमा पुलिसकै एक टिमल अस्पतालवाट उसको अपहरण गरेको थियो।
पुलिसले अभियुक्तलाई अपहरण गरेर बटाला पुर्याएको थियो। त्यहाँ लगेर प्रहरीसहितको टोलीले अमानवीय तरिकाबाट यातना दिँदै विक्रमजीतको हत्या गरिएको थियो। उक्त हत्यापछि कैदीका भाइ दलवीर सिंहले प्रहरीमा उजुरी दिएका थिए।
विक्रमजितको अपहरणपछि ६ मई २०१४ मा पुसिलले अपराधी अस्पतालबाट फरार भएको प्रतिवेदन बनाएर पेस गरेको थियो। तर विक्रमका भाइको जाहेरीपछि अनुसन्धान गर्दा घटनाले अर्कै मोड लिएको थियो।
उक्त प्रकरणमा प्रहरी नै अपहरणकारी हुँदै हत्यारा भएको पाइएको थियो। उक्त प्रकरणमा प्रहरीसहित दुई अन्य मानिसको संलग्नता देखिएपछि उनीहरू विरुद्ध मुद्दा दायर भएको थियो। उक्त मुद्दामा फैसला सुनाउँदै अदालतले १३ जनालाई दोषी ठहर गरेको हो।
सबैको हत्या,अपहरण र गलत तरिकाले बन्दी बनाउने र आपराधिक योजना निर्माण गरेको अभियोगमा दोषी ठहर गरेको छ। घटनामा आरोपीहरू पूर्व सहायक उपनिरीक्षक बलजित सिंह हालसम्म फरार छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791822485.png)
-1786602170.png)
