काठमाडौं- आइतबार अबेर गरी नेपाली कांग्रेसको केन्द्रीय समितिको बैठक सुरु भएको छ। बैठकका लागि कांग्रेसले १४ एजेन्डा तय गरेको छ।
दिउँसो २ बजे बोलाइएको बैठक करिब ५ घन्टा पछि मात्र सुरु भएको थियो। पार्टी पवक्ता विश्वप्रकाश शर्माले ट्विट गर्दै बैठक सुरु भएको जानकारी दिएका थिए। 'बेलुकी ६.४५ मा बैठक प्रारम्भ भएको छ। बैठकमा महामन्त्री पुर्णबहादुर खड्काले १४ वटा एजेन्डा प्रस्तुत गर्नुभएको छ,' शर्माले ट्विटरमा लेखेका छन्।
पौडेल पक्षधरले महाधिवेसनको कार्यतालिका बैठकमा प्रस्तुत गर्न माग गरेपछि पाँच घन्टा बैठक ढिलो सुरु भएको हो।
देउवाले पक्षले त्यसलाई स्वीकार्न तयार भएन। अन्ततः मध्यमार्गी बाटो अवलम्बन गरी बैठक सुरु भएको हो। बैठकमा प्रस्तुत १४ एजेन्डामा देउवा र पौडेल दुवै पक्ष सहमत हुने गरी 'पार्टी संगठन अन्तरिम व्यवस्था अनुसार गठनपश्चात् १४औं महाधिवेशन निर्माण प्रक्रिया अघि बढाउने' भन्ने वाक्यांश राखिएको छ।
पहिलो चरणको बैठक समीक्षा, नियमावली पारित, भ्रातृ संस्थाको चयन प्रक्रिया तथा दोश्रो चरणको अभियानको लागि तयारीलगायतका विषयमा छलफल गर्न बैठक डाकिएको हो।
सभापतिको निर्देशानुसार महामन्त्री पूर्णबहादुर खड्काले बैठकको एजेन्डा पेस गरेका छन्।
१. नियमावली संशोधन मस्यौदा समितिले तयार पारेको “नेपाली कांग्रेसको नियमावली, २०७६” समितिका संयोजक केन्द्रीय सदस्य श्री रमेश लेखकद्वारा प्रस्तुत गरिने ।
२. पार्टी विधानको धारा ७२ (४) अनुसार पार्टी संगठनको अन्तरीम व्यवस्था अनुसारको गठन पश्चात् १४ औँ महाधिवेशनको कार्यतालिका निर्माण गरी प्रकृया अघि बढाउने सम्वन्धमा ।
३. विधानको व्यवस्था अनुसार क्रियाशील सदस्यता नविकरण एवं वितरण सम्वन्धमा ।
४. २०७६ बैशाख २५ देखि जेष्ठ २५ सम्म सञ्चालन भएको पहिलो चरणको “हिमाल, पहाड, तराई–मधेश नेपाली कांग्रेस राष्ट्रिय जागरण अभियान” को एकिकृत प्रतिवेदन प्रस्तुत गरिने ।
५. नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानद्वारा कार्य प्रगति विवरण प्रस्तुत गरिने ।
६. केन्द्रीय अनुशासन समितिद्वारा कार्य प्रगति प्रतिवेदन प्रस्तुत गरिने ।
७. नेपाली कांग्रेस र तत्कालिन नेपाल लोकतान्त्रिक फोरमका बीच पार्टी समायोजनका सन्दर्भमा भएका कामहरुको प्रगति प्रतिवेदन प्रस्तुत गरिने ।
८. भातृ एवं शुभेच्छुक संस्थाहरुको विधान संशोधन र मान्यता प्रदान गर्ने सम्बन्धमा ।
९. पार्टी विधान अनुसार अवधि समाप्त भएका भातृ संघहरुका सम्वन्धमा ।
१०. जनसम्पर्क समितिका सम्बन्धमा ।
११. स्थानीय तहमा पार्टीका तर्फबाट निर्वाचित जनप्रतिनिधिहरुलाई नीतिगत निर्देशन गर्ने सम्बन्धमा ।
१२. तनहु जिल्लामा अबैध रुपमा गठन भएको नेपाली कांग्रेसको तथाकथित समानान्तर समिति र कार्यालयका सम्वन्धमा ।
१३. देशको समसामयिक राजनीतिक विषयवस्तुका सन्दर्भ।
१४. विविध
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
