इटहरी- नेपाल कम्युनिष्ट पार्टी (नेकपा) सुनसरीको स्थानीयतहको कमिटी टुङ्गो लागेको छ। नेकपा प्रदेश कमिटीको बिहीबार बसेको बैठकले सुनसरीका १२ वटै स्थानीय कमिटीको जिम्वेवारी टुङ्गो लगाएको हो।
यसमध्ये ७ स्थानीय तहमा पूर्व एमाले र ५ स्थानीयतहमा पूर्व माओवादी केन्द्रले अध्यक्षको जिम्वेवारी पाउने गरी भागबण्डा गरिएको छ। त्यस्तै ७ स्थानीयतहका सचिव पूर्व माओवादी केन्द्रका र ५ स्थानीयतहका सचिव पूर्व एमालेका रहने गरी एकता प्रकृया टुङ्गो लागेको हो। सोही अनुसार भागबण्डा गर्दै वडा कमिटी पनि विस्तार गरिने नेकपाको प्रदेश सचिवालयले जनाएको छ।
सुनसरीका दुई उपमहानगर मध्ये इटहरी र धरानमा बराबर भागबण्डा गरिएको छ। धरानमा पूर्व एमालेबाट नारायण सुवेदी अध्यक्ष भएका छन् भने सचिवमा पूर्व माकेबाट सुदर्शन श्रेष्ठको नाम अनुमोदन भएको छ।
त्यस्तै इटहरी अध्यक्षमा पूर्व माकेबाट बहादुरसिं तामाङ र सचिवमा पूर्व एमालेबाट काशिनाथ दंगालको नाम अनुमोदन भएको हो।
त्यसैगरी बराहक्षेत्रमा कमल कटुवाल पूर्व माकेबाट र सचिवमा पूर्व एमालेबाट गजेन्द्र थापाको नाम अनुमोदन भएको छ। पूर्व एमालेबाट रामधुनी नपा, इनरुवा नपा, दुहबी नपा, बर्जु, हरिनगरा र कोशी गाउँपालिकामा क्रमशः राम कोइराला, तिर्थ अधिकारी, खड्ग नारायण उराँव, दिल कुमार गुरुङ, पारस शाह र ब्रम्हदेव यादवको नाम अनुमोदन भएको छ। सचिवमा भने पूर्व एमालेबाट क्रमशः उत्तम पौडेल, तोया गिरी पौदार, रहीम आलम, गजेन्द्र चौधरी, मोहन यादव र एके मण्डलको नाम अनुमोदन भएको छ।
पूर्व माकेले पाएको थप ३ स्थानीय तहको अध्यक्षमा गढी, देवानगंज र भोक्राहनरसींह गाउँपालिका रहेका छन्। जसमा क्रमश खगेन्द्र चौधरी, भिमनन्दन शर्मा र हेमनारायण मण्डल रहेका छन्। उता ती गाउँपालिकाको सचिवमा पूर्व एमाले बाट क्रमश प्रभाकर माझी, मानोज कुमार मण्डल र रामकुमार मेहता रहेका छन्।
सुनसरीका स्थानीय तहको एकता प्रकृया टुङ्गो लागे संगै नेकपा सुनसरी अध्यक्ष पप्पु मण्डलले नेकपाको गाडी स्टार्ट भएको र अब द्रुत गतिमा कुद्ने बताए। लामो समय देखी क्रियाशिल बन्न नसकेको स्थानीय कमीटी अब चलायमान हुने उनको भनाईछ। नेकपाले जितेका स्थानीयतहमा बिकाशको लागी सहयोग गर्ने र बाँकी स्थानीय तहमा खबरदारी गर्न कमिटी परिचालन गरिने उनी बताउँछन्।
८ महिना अघि गठन भएको सिफारिस कार्यदलले बुझाएको प्रतिवेदनको आधारमा कमिटी विस्तार भएको अध्यक्ष मण्डलले बताए।
उनका अनुसार २ महिना पहिलेनै कार्यदलले प्रतिवेदन बुझाएकोले भर्खर मात्र प्रदेश कमिटीले नाम अनुमोदन गरेको उनको भनाइ छ।
सुनसरी जिल्ला लाल किल्ला भन्ने नारा लिएर पार्टी अघि बढेको उनले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
