काठमाडौं- पूर्व जनमुक्ति सेनाका घाइते सुरेन्द्रकुमार बमजनको उपचारार्थ माओवादी केन्द्रले ५ लाख ४८ हजार ३६५ रुपैयाँ सहयोग गरेको छ।
उक्त रकम माओवादी केन्द्रको अन्तर्राष्ट्रिय विभागको पहलमा युएई, दक्षिण कोरिया, कुवेत, साउदी अरब र कतारबाट जुटाइएको थियो। माओवादी केन्द्रको कार्यालय पेरिसडाँडामा आयोजित एक कार्यक्रमका बीच केन्द्रका अध्यक्ष पुष्पकमल दाहाल प्रचण्डले उक्त रकम बमजनलाई हस्तान्तरण गरे।
सहयोग रकम हस्तान्तरण गर्दै प्रचण्डले वामपन्थीहरुको नेतृत्वमा बन्ने नयाँ सरकारले जनयुद्ध र जनआन्दोलनका घाइतेहरुको उपचार र जीवन निर्वाहका लागि नीतिगत निर्णय गर्ने बताए।
सिन्धुली घर भएका पूर्व जनमुक्ति सेनाका सदस्य बमजन पाँच वर्षअघि पार्टी कामको सिलसिलामा सिन्धुलीको भीरबाट लडेर घाइते भएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768212196.png)
-1768207138.png)
-1764146706.png)
