काठमाडौं– मकवानपुरको भिमफेदी कारागारमा भएको झडप घटनाको अनुसन्धानका लागि कारागार व्यवस्था विभागले छानबिन समिति गठन गरेको छ। विभागले निर्देशक कृष्ण प्रसाद आचार्यको संयाजकत्वमा छानिबन समिति गठन गरेको हो।
समितिले बुधबारदेखि छानबिन थालेको छ। भिमफेदी कारागार नै पुगेर छानबिन सुरु गरिएको हो।
गत पुस १२ गते भिमफेदी कारागारमा झडप भएको थियो। चौकीदार रमेश लामा ‘चाइनिज’ पक्षका कैदीहरुले उनीहरुको विपक्षमा रहेकाहरुलाई कुटपिट गरेका थिए। चौकीदारले अन्याय गरेको भन्दै विरोध गर्दा कुटपिट भएको थियो। घटनामा १० जना घाइते भएका थिए। सात दिनभित्र प्रतिवेदन पेश गर्ने गरी समिति गठन गरिएको कारागार व्यवस्था विभागका महानिर्देशक कृष्णचन्द्र घिमिरेले बताए।
भिमफेदी कारागारमा सशस्त्र प्रहरीले सुरक्षा हेर्दै आएको छ। डिएसपीको कमाण्डमा सशस्त्र प्रहरीका करिब ७० जना खटिएका छन्। जेल प्रशासन, प्रहरी र जेलका आन्तरीक प्रशासन मिलेर जेलभित्र ठुलो आर्थिक अनियमितता हुने गरेको छ। जेलमा खर्च गर्नेहरुलाई सुविधा दिने र अरुलाई न्यूनतम सुविधाबाट समेत बञ्चित हुने गरिएको छ। आर्थिक चलेखलकै आधारमा विगतमा पनि विभिन्न जेलमा झगडा गरेका कैदी ‘चाइनीज’लाइ चौकीदार बनाउदा गत साता झडप भएको थियो। घटना सशस्त्र प्रहरीको भूमिका समेत कमजोर देखिएको थियो।
छानबिन समितिको प्रवितेदनका आधारमा दोषीहरुलाई कारबाही गरिने विभागका महानिर्देशक घिमिरेले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768212196.png)
-1768207138.png)
-1764146706.png)
