रसुवा– रसुवा र नुवाकोटको संगमस्थल उत्तरगयामा जलविद्युत् गृह निर्माण गर्ने भएपछि रसुवाको बेत्रावतीमा स्थानीयहरुले विरोध जनाएका छन्।
हिन्दु धर्मालम्बीहरुको चारधाममध्येको एक उत्तरगयाको पहिचान नै मेटिने गरी जलविद्युत् आयोजना निर्माण गर्न लागिएको स्थानीयहरुले आरोप लगाएका छन्।
धार्मिक एवं ऐतिहासिक तीर्थस्थल उत्तरगयाधाम र मरणघाट क्षेत्रमा त्रिशुली गंगाको बहाव रोकी विद्युत् गृह निर्माण गर्ने योजना खारेज गर्न माग गरेका छन्।
प्रसिद्ध धार्मिक एव्म ऐतिहासिक तीर्थस्थल उत्तरगयाधाममा जलविद्युत् निर्माणपश्चात् नियमित रुपमा खोलाको बहाव घटी रसुवा र नुवाकोटको हजारौ मानिसको सामूहिक मरणघाटको अस्तित्व संकटमा पर्ने रसुवाको उत्तगया गाउँपालिकाका अध्यक्ष उपेन्द्र लम्सालले बताए।
जलविद्युत् निर्माणले नदीमा पानी नरहेपछि संस्कार र संस्कृति नै बन्द हुने भएपछि चिन्तित हुँदै विरोध प्रदर्शन गरेका हुन्।
उत्तरगया धामभन्दा करिब डेढ सय मिटर माथि १० मेगावाट विद्युत उत्पादन गर्न स्थानीयहरुले स्वीकृति दिए पनि जलविद्युत् कम्पनीले धामलाई मेट्ने गरेर विद्युत् उत्पादन गर्ने एकलौटी निर्णय गरेकाले विरोध जनाएको उत्तरगया क्षेत्र विकास समितिका कोषाध्यक्ष ईश्वरलाल श्रेष्ठले बताए।
पर्फेक्ट इनर्जी डेभलपमेन्ट प्रालिले नुवाकोटको किस्पाङ गाउँपालिका ५ मा ड्याम बनाई बिदुर नगरपालिका वडा नम्बर ७ सात तुप्चेमा विद्युत् गृह रहने गरी १९.४१ मेगावाटको मध्य त्रिशूली गंगा जलविद्युत् आयोजना निर्माण गर्न लागेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
