कम्पाला- युगाण्डामा क्रिसमस पर्वका समयमा सवारी दुर्घटनामा परी २६ जनाको मृत्यु भएको छ।
प्रहरीको ट्राफिक तथा सडक सुरक्षा निर्देशनालयका प्रवक्ताले जारी गरेको विज्ञप्तिमा डिसेम्बर २३ देखि २८ सम्मको अवधिमा देशभर २३ सवारी दुर्घटना हुँदा २६ को मृत्यु भएको उल्लेख छ। प्रायजसो परिवारसहित पहाडी क्षेत्रमा आफन्तसँग भेटेर क्रिसमसको आनन्द साट्न गरिएका यात्राका क्रममा दुर्घटना भएको विज्ञप्तिमा जनाइएको छ।
प्रायजसो दुर्घटना चालकको लापरवाही, उच्च गति, क्षमताभन्दा बढी यात्रु बोकेको र मदिरा पिएर गाडी चलाएका कारण भएको प्रहरीले जनाएको छ।
युडाण्डामा प्रत्येक वर्ष २० हजार सवारी दुर्घटना हुने गरेको र त्यसमा परी औसत दुई हजार मानिसले ज्यान गुमाउने गरेको प्रहरीको तथ्यांकमा छ। युगाण्डा विश्वको अत्यधिक सवारी दुर्घटना हुने मुलुकमा पर्छ। (रासस/सिन्ह्वा)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
