काठमाडौं- बा १७ च १३४७।
यो कुनै सामान्य कारको नम्बर प्लेट होइन। नेपाल सरकारले आफ्नै खर्चमा किनेको नेपालकै पहिलो विद्युतीय कारको नम्बर प्लेट हो।
राष्ट्रिय योजना आयोगमा यही नम्बर रहेको कालो रङको कार निलो ‘कभर’ले छोपिएको थियो। छोपिएको कारमा रातो रिबनले बाँधिएको थियो।
नेपाली कांग्रेसका नेता गगन थापा र एमाले नेता रविन्द्र अधिकारी तथा योजना आयोगका उपाध्यक्ष डा स्वर्णिम वाग्लेले शुक्रबार उक्त कारमा बाँधिएको रिबन संयुक्त रुपमा काट्दै सरकारको पहिलो विद्युतीय कारलाई सार्वजनिक गरे।
नेपालमा विद्युतीय सवारीसाधन आवश्यक छ भन्ने सांकेतिक नीतिगत पहलस्वरुप उक्त कारलाई सार्वजनिक गरिएको हो। यो कार आयोगले खरिद गरेको हो। हालसम्म नेपालमा दाताले उपहारस्वरुप दिएका वा किनिदिएका विद्युतीय सवारीसाधन मात्र छन्।
आयोगका उपाध्यक्ष वाग्लेले भने, ‘सरकारको लगानीमा किनिएको प्रविधियुक्त गाडी सम्भवत यो नै पहिलो हो।’ उनले नेपालमा विद्युतीय सवारी ल्याउन अतिआवश्यक रहेकाले नीतिगत व्यवस्था गर्दै अगाडि बढ्न सांकेतिक रुपमा यो कार किनिएको बताए।
‘यो एउटा सांकेतिक नीतिगत पहल हो, जसलाई हामी व्यापक प्रयोगमा ल्याउन चाहन्छौँ,’ उनले भने, ‘विदेशी तेल आयातको सट्टा स्वदेशकै स्वच्छ ऊर्जाको उपयोग, वातावरण र ध्वनि प्रदूषण नहुने, जलवायु परिवर्तनको मुद्दामा सहयोग गर्न विद्युतीय सवारी आवश्यक छ।’
कारका विशेषता
यो कार हालका पेट्रोल गाडीको तुलनामा दैनिक खर्च ६ गुणा सस्तो पर्छ। एक पटक चार्ज गरेपछि ४ सय किलोमिटर गुड्छ। कारलाई फुल चार्ज गर्न २ घन्टा लाग्छ।
आयोगले किनको कार भएकाले हाललाई उक्त कारको चार्जिङ स्टेसन आयोगमा नै राखिएको छ। सरकारले विद्युतीय गाडीमा जम्मा २४ दशमलव ३ प्रतिशत मात्र कर लगाएको छ। जबकि पेट्रोल गाडीमा २ सय २५ दशमलव ४ प्रतिशत कर छ। यो कार करिब ६० लाखमा किनिएको हो।
हाल बजारमा रहेका यस्तै प्रकृतिका डिजेल तथा पेट्रोल गाडीभन्दा यो कार निकै सस्तो हो। यसको डिजाइन आकर्षक हुनुका साथै भित्र बस्न पनि आरामदायी छ।
बीवाइडी कम्पनीको ई-सिक्स-४०० मोडेलको यो कारको ब्याट्री ‘नन-टक्सिक’ रहेको कम्पनीले जनाएको छ। यो कारले वातावरणमा कुनै पनि असर नगर्ने कम्पनीको दाबी छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
