एजेन्सी– साहिद कपुर अभिनित हिन्दी फिल्म कबीर सिंहको कतै आलोचना भइरहेको छ भने कतै प्रशंसा। एकातर्फ घोर महिला विरोधी, अश्लिल र यौन उत्तेजना फैलाउने सर्मनाक संवादले भरिएको फिल्म भनिएको छ भने अर्कातर्फ फिल्मलाई रुचाएर हलसम्म जाने र हलबाट फर्किएर तारिफ गर्नेहरुको भीड पनि सानो छैन।
दर्शकले कबीर सिंहका हर दृश्यमाथि ताली पिटेका छन् र सिटी फुकेका छन्। यसको प्रमाण हो, बक्स अफिसमा फिल्मले पाएको सफलता।
२१ जुनमा रिलिज भएको फिल्म कबीर सिंहले रिलिज भएको दिनदेखि अहिलेसम्म उल्लेखनीय कलेक्सन गरेको छ। फिल्मले पहिलो दिन शुक्रबार २०.२१ करोड रुपैयाँको साथ जोरदार सुरुवात गरेको थियो।
शनिबार कलेक्सन बढाउँदै २२.७१ करोडमा पुर्याएको फिल्मले आइतबार अझ बढाउँदै २७.९१ करोड रुपैयाँ पुर्याएको थियो।
सोमबार भने फिल्मले १७.५४ करोड रुपैयाँ कलेक्सन गरेको थियो। चार दिनमा यो फिल्मले ८८.३७ करोड रुपैयाँको कलेक्सन गरिसकेको छ। मंगलबारसम्म फिल्मले सय करोड पार गरिसकेको एजेन्सीहरुले बताएका छन्।
फिल्म जसरी प्रदर्शन भइरहेको छ, यसबाट कबीर सिंहले २०० करोड क्लबमा सामेल हुने देखिएको छ। सानादेखि ठूला सहर तथा मल्टिप्लेक्सदेखि सिंगल स्क्रिन फिल्म हलसम्म यो फिल्मलाई मन पराइएको छ। खासगरी साना सहरमा फिल्म अझ राम्रो चलेको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
