नयाँदिल्ली– बलिउड अभिनेता ऋतिक रोशनकी बहिनी सुनैना रोशनले हालै ट्वीटरमा लेखिन्– म कंगना पूर्णतया समर्थन गर्छु। उनले एक अन्तर्वार्तामा पनि कंगनाले न्याय पाउनुपर्ने बताएकी छिन्।
ऋतिकले आफूलाई धोका दिएको भन्दै रोशन परिवार विरुद्ध अदालतसम्म पुगेकी कंगनाको समर्थन किन गरिन् उनकै दिदिले?
यसको भित्रीकथा खुल्न समय लागेन। किनभने सुनैनाले आफ्नो परिवारबाट अत्याचार भएको भन्दै सहयोग कंगनासँग मागिन् तर कंगनाले उनको नम्बर ब्लक गरिदिइन्। त्यसपछि कंगनाकी बहिनी रंगोली चन्डेलसँग सहयोग मागिन्। उक्त कुरा रंगोलीले ट्वीटमै सार्वजनिक गरिदिइन्। उनले लेखिन्, 'सुनैना रोशन मसँग सल्लाह मागिरहेकी छिन्। किनकी दिल्लीका एक मुस्लिम युवासँग उनको प्रेम छ। गत हप्ता रोशन परिवारले एक महिला प्रहरीको सहयोगमा उनलाई पिटाएको थियो। उनका बुवा राकेश रोशनले पनि पिटे र दिदिलाई ऋतिकले जेल पठाउने कोशिस गरिरहेका छन्।'
सुनैना रोशनले एक अन्तर्वार्तामा दिल्लीका एक युवासँग आफूले प्रेम गरेको तर आफ्ना पितालाई मन्जुर नभएको बताएकी छिन्। अन्तर्वार्तामा सुनैना भन्छिन्, 'गत वर्ष एक मुस्लिम केटासँग प्रेम बस्यो। उनी पत्रकार हुन् र उनको नाम रुहैल अमिन हो। म चाहान्छु– हाम्रो परिवार यो सम्बनध स्वीकारोस्। तर परिवारले स्वीकार्दैन। किनकि ऊ मुस्लिम युवा हो।'
यस अन्तर्वार्तामा सुनैनाले ऋतिक र कंगनाको विवादमा कंगनाको पक्ष लिएकी छिन्। उनले आगो नबाली धुवाँ नआउने समेत बताइन्।
आफूले कंगनासँग सहयोग मागेको समेत खुलाइन्। भनिन्, ' उनी महिला शक्तिकी प्रतिक हुन्। मेरो भाई र उनीबीच के भयो मलाई थाहा छैन तर आगो नबाली धुवाँ आउँदैन।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
