काठमाडौं- नेपाल र बंगलादेशबीच जलविद्युत र नवीकरणीय उर्जाको क्षेत्रमा लगानी गर्ने सम्बन्धमा सहमति भएको छ।
आइतबार ऊर्जा, जलस्रोत तथा सिँचाइ मन्त्रालयमा पत्रकार सम्मेलन गरी सहमतिबारे जानकारी गराइएको हो। यही असार ५ र ६ गते बंगलादेशको कोक्स बजारमा सम्पन्न भएको दुई देशका सचिवस्तरीय समितिहरुको दोश्रो बैठकले नेपाल र बंगलादेशबीच विद्युत व्यापारको सम्भावना, नेपालमा जलविद्युत विकासमा बंगलादेशी निजी प्रवर्द्धकबाट लगानीको सम्भावना, अन्तरदेशीय विद्युत प्रसारण लाइनको सम्भावना, माथिल्लो कर्णाली जलविद्युत आयोजनाबाट बंगालदेशले आयत गर्ने ५ सय मेगावाट विद्युत तथा नेपाल र बंगलादेशबीचमा नविकरणीय ऊर्जाको क्षेत्रमा सहयोग गर्ने सम्बन्धी निर्णयहरु अनुमोदन गरेको हो।
बैठकमा नेपालको तर्फबाट नेतृत्व गरेका ऊर्जा, जलस्रोत तथा सिँचाइ सचिव दिनेश कुमार घिमिरेले नेपालको जलविद्युतमा लगानी गरी निर्यात गर्ने तथा वैकल्पिक ऊर्जामा सहकार्य गर्ने सहमति भएको जानकारी दिए।
सहमतिमा तत्काल भारतको संरचना प्रयोग गर्ने र भविष्यमा बन्ने आयोजना भारतको भूमि हुदै बंगलादेशसम्म प्रशारण लाइन बनाउने सहमति भएको छ। यसमा भारतको पूर्ण समर्थन हुने विश्वास सचिव घिमिरेले व्यक्त गरे।
२०७५ साउन २५ गते सम्पन्न नेपाल बंगलादेशबीच ऊर्जा क्षेत्रमा आपसी सहयोग सम्बन्धी समझदारी पत्रको दफा ४ मा व्यवस्था भए अनुसार सो सम्झौताको कार्यान्वयन पक्षलाई सहजीकरण र यस सम्बन्धमा हुने प्रगतिको अनुगमन गर्न सहसचिव स्तरीय एवं सचिवस्तरीय समितिहरु गठन गरिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
