काठमाडौं– भारतले पाकिस्तानसँग संयु््क्त राष्ट्रसंघमा हुने भनिएको दुई देशको विदेश मन्त्रीस्तरीय बैठकमा सहभागी नहुने बताएको छ। संयुक्त राष्ट्रसंघको महासभाका दौरान दुई देशका अधिकारीहरुले ‘साइडलाइन’ वार्ता गर्ने तय भए पनि भारतले अन्तिम समयमा आएर बैठकमा सहभागी नहुने बताएको हो।
_x000D_
_x000D_
पाकिस्तानले कास्मिर क्षेत्रमा आतंकवादीहरुलाई प्रश्रय दिएको आरोपमा भारतले पाकिस्तानसँगको बैठकमा सहभागी नहुने बताएको छ। कास्मिर भारत र पाकिस्तानबीचको विवादित क्षेत्र हो।
_x000D_
_x000D_
उता पाकिस्तानका प्रधानमन्त्री इमरान खानले भारतको निर्णयबाट आफू निराश बनेको प्रतिक्रिया दिएका छन्। आइतबार ट्विट गर्दै प्रधानमन्त्री खानले दुई देशबीचको शान्ति वार्ता पूर्नउत्थान गर्ने आफ्नो प्रयासलाई भारतले आफ्नो घमण्डका कारण तोडको टिप्पणी गरेका छन्।
_x000D_
_x000D_
यसैबीच नेपालका परराष्ट्रमन्त्री प्रदीप ज्ञवालीले असोज ११ गते दक्षिण एसिलाली क्षेत्रीय सहयोग संगठन (सार्क)का विदेशमन्त्रीको बैठक न्यूयोर्कमा आयोजना गरेका छन्। राष्ट्रसंघको महासभा बैठकमा प्रधानमन्त्री केपी शर्मा ओलीसँगै सहभागी हुन न्योयोर्क पुगेका मन्त्री ज्ञवालीले विदेशमन्त्रीहरुको अनौपचारीक बैठक आयोजना गरेका हुन्।
_x000D_
_x000D_
पाकिस्तानसँगको वार्ता अस्वीकार गरेको भारतले पाकिस्तानी मन्त्रीसमेत सहभागी रहनेगरी नेपालले आयोजना गर्ने अनौपचारिक बैठकमा सहभागी हुने÷नहुने सम्बन्धमा प्रश्न चिन्ह उब्जिएको छ।
_x000D_
_x000D_
उता, भारतीय विदेश मन्त्रालयका प्रवक्ता रविस कुमारले पाकिस्तानको इस्लामावादमा आयोजना गर्ने भनिएको १९औँ सार्क सम्मेलनमा भारत सहभागी नहुने बताएका छन्।
_x000D_
_x000D_
भारतीय विदेश मन्त्रालयमा आयोजित पत्रकार सम्मेलनमा कुमारले सार्कको विषयमा भारतको धारणा स्पष्ट रहेको बताउँदै आतंकवादको छायाँमा सम्मेलन आयोजना हुन नसक्ने स्पष्ट पारे। ‘यो भारतको मात्रै धारणा होइन। यस क्षेत्रका अन्य देशहरुको प्रतिक्रिया पनि यही छ कि आतंकवादको छाँयामा रहेर सम्मेलन आयोजना हुन सक्दैन’, कुमारले भने, ‘हामीले समय–समयमा भनिरहेका छौँ, यस क्षेत्रमा कुनै सम्मेलन आयोजना हुने उपयुक्त परिस्थिति छैन।’
_x000D_
_x000D_
सार्क क्षेत्रलाई पुनर्जाग्रित गर्ने उद्देश्यले सार्कका महासचिव अहमद हुसेन प्रधानमन्त्री केपी शर्मा ओलीसँगै न्यूयोर्क प्रस्थान गरेका छन्। पछिल्लो समय सार्कलाई पछि पार्दै बिम्स्टेक क्षेत्रलाई यस क्षेत्रको क्षेत्रीय संगठनको रुपमा अघि सार्ने प्रयास भएको कूटनीतिक क्षेत्रका विज्ञहरुले बताउँदै आएका छन्। सार्क सचिवालय स्रोतका अनुसार सार्कको विषयमा वृहत छलफल गर्ने उद्देश्ले नै हुसेनले प्रधानमन्त्री ओलीसँगै न्यूयोर्क प्रस्थान गर्ने चाँजोपाँजो मिलाएका हुन्।
_x000D_
_x000D_
यस्तै लामो समय सार्क सम्मेलन आयोजना हुन नसक्नु र बिम्स्टेकले प्राथमिकता पाउँदै जाँदा सार्कको अर्को सदस्य माल्दिभ्सले पनि नेपालमा आफ्नो कूटनीतिक उपस्थिति बढाउन कूटनीतिक नियोग खोल्ने प्रयास गरेको छ। विगत केही समयदेखि नै सार्कको सचिवालय रहेको काठमाडौँमा सार्क क्षेत्रका सबै सदस्य राष्ट्रको नियोग खोल्ने सहमति भएको थियो। सहमति भए पनि मल्दिभ्सको नेपालमा नियोग नरहेकामा अब उसले पनि नियोग खोल्न चासो देखाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
