काठमाडौं– भैरहवा ग्लाडिएटर एभरेस्ट प्रिमियर लिग (इपिएल) को क्वालिफायरमा प्रवेश गरेको छ। मंगलबार भएको खेलमा चितवन टाइगर्सलाई ४ विकेटले पराजित गर्दै क्वालिफायरमा स्थान पक्का गरेको हो।
चितवनलाई हराएपछि समूहमा दोस्रो बनेको भैरहवाले ५ खेलबाट ८ अंक जोड्यो। यता अपराजित विराटनगर वारियर्सले १० अंक जोड्दै यसअघि नै क्वालिफायरमा स्थान बनाइसकेको थियो। विराटनगर र भैरहवाबीच बुधबार विहान प्रतिस्पर्धा हुनेछ। जित हात पार्ने टिम फाइनलमा प्रवेश गर्नेछ। हार बेहोर्ने टिमले दोस्रो क्वालिफाइनरमा बिहीबार प्रतिस्पर्धा गर्नेछ।
यता चितवन पराजित भएपछि पोखरा राइनोज पनि प्लेअफमा पुगेको छ। चार खेलबाट ४ अंक जोडेको पोरखाले अन्तिम खेलमा ललितपुर पार्ट्रिओट्ससँग प्रतिस्पर्धा गर्नेछ। ललितपुर,काठमाडौं र चितवनको समान २–२ अंक छ। पोखरालाई हराए ललितपुर प्लेअफमा पनि पुग्नेछ भने काठमाडौं र चितवन बाहिरिनेछन्।
मंगलबार कीर्तिपुरस्थित त्रिवी मैदानमा चितवनले दिएको ८८ रनको सामान्य लक्ष्य भैरहवाले ओभरमा ६ विकेटको क्षतिमा १८.३ ओभरमा पार गर्यो।
भैरहवाका लागि पुनित मिश्राले सबैभन्दा बढी ३० रन बटुले। उनले २९ बलमा ३ चौका हिर्काए। रोहितकुमार पौडेलले ४० बल खेलेर २० रनको योगदान गरे। भुपेन्द्र थापाले १५ बलमा १३ रन जोडेका थिए।
कृष्ण कार्कीले नटआउट ८ रन जोड्दा कप्तान शरद भेषवाकर ८ रनमा आउट भए। खराब ओपनिङ गरेको भैरहवाका ओपनरद्वय प्रदीप ऐरी १ र प्रथम सलुंके शून्य रनमा आउट भएका थिए।
बलिङतर्फ चितवनका सहाव अलाम र दीपेन्द्रसिंह ऐरीले समान २–२ विकेट हात पारे।
त्यसअघि टस हारेर पहिले ब्याटिङ गरेको चितवनले २० ओभरमा ९ विकेट गुमाएर ८७ रन बनायो। खराब सुरुवात गरेको चितवनका ओपनर दिलीप नाथ ४ तथा सन्दीप सुनार शून्य रनमा आउट भए
कप्तान दीपेन्द्रसिंह ऐरी र योगेन्द्रसिंह कार्कीले १५–१५ रन बटुले। ललितसिंह भन्डारीले नटआउट १३ र आकास थापाले ११ नर जोड्दा अन्य ब्याट्सम्यानले दोहोरो अंकमा रन बटुल्न सकेनन्।
बलिङतर्फ भैरहवाका कप्तान शरद भेषवाकरले ३ विकेट लिए। हरिशंकर साह र भुवन कार्कीले २–२ विकेट हात पारे। कृष्ण कार्की र पुनित मिश्राले १–१ विकेट आफ्नो नाममा लेखाए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
