सुर्खेत– कालिकोटमा म्यादी प्रहरी मारिएको विरोधमा सुर्खेतमा प्रदर्शन गरिएको छ। कर्णाली जनएकता समाजको आयोजनामा आइतबार सुर्खेतको वीरेन्द्रनगरमा विरोध प्रदर्शन गरिएको हो।
आफ्नो ज्याला माग्दा प्रहरीले गोली हानेर म्यादी प्रहरी विवेक ऐडीको हत्या गरेको भन्दै सुर्खेतमा बसोबास गर्दै आएका कालिकोटका नागरिकले विरोध जनाएका हुन्। उनीहरुले र्यालीसहित वीरेन्द्रनगर बजार परिक्रमा गरी जिल्ला प्रशासन कार्यालयमार्फत सरकारलाई ज्ञापनपत्र बुझाएका छन्।
उनीहरुले प्रमुख जिल्ला अधिकारी, जिल्ला प्रहरी प्रमुख र गोली हान्ने व्यक्तिलाई तत्काल कारबाही गर्नुपर्ने, मृतकलाई सहिद घोषणा गर्नुपर्ने, निष्पक्ष छानबिन समिति बनाएर घटनाको छानबिन गर्नुपर्ने लगायतका माग सरकार समक्ष राखिएको छ।
समाजका अध्यक्ष पूर्णबहादुर शाहीले आफ्नो ज्याला माग्दा गोली हानेर मार्नु अक्षम्य अपराध भएको भन्दै दोषीलाई तत्काल कारबाही गर्नुपर्ने बताए। उनले कर्णालीमाथि राज्यले पटक–पटक यस्तै विभेद र दमन गर्दै आएको भन्दै आपत्ति प्रकट गरे।
म्यादी प्रहरी र नेपाल प्रहरीबीच दोहोरो झडपका क्रममा शुक्रबार प्रहरीको गोली लागी कालिकोटका म्यादी प्रहरी विवेक ऐडीको मृत्यु भएको थियो। सोही घटनापछि तीन दिनदेखि कालिकोट सदरमुकाम मान्न बजार तनावग्रस्त बनेको छ। तनाव साम्य पार्न स्थानीय प्रशासनले मान्ममा कफ्र्यु लगाएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
