काठमाडौं- समाजसेवी चीजकुमार श्रेष्ठको संस्मरणात्मक कृति 'घुमिफिरी बन्दिपुर' विमोचन भएको छ। बन्दिपुरको विकासमा लामो समयदेखि योगदान दिएका श्रेष्ठको यो पुस्तक आइतबार विमोचन गरिएको हो।
‘उहाँले बन्दीपुरको विकासमा जसरी सहयोग गर्नुभएको छ, त्यो अतुलनीय छ,’ कार्यक्रममा चीजकुमारका विद्यार्थी समेत रहेका डा मदन पियाले भने, ‘यो पुस्तक अत्यन्त रुचीकर रुपमा उहाँले लेख्नु भएको रहेछ, पढेर म विगतमा फर्किएँ।’ बन्दीपुरकै विद्यालय भानु माविमा लामो समय प्रधानाध्यापक भएका चीजकुमार श्रेष्ठले बन्दीपुर विकास कोषको अध्यक्षता पनि लामै समय गरे।
कार्यक्रममा लेखक खगेन्द्र संग्रौलाले बन्दीपुर र श्रेष्ठको पुस्तकको चर्चा गरेका थिए। कुनै समय बन्दीपुरमै शिक्षक रहेका संग्रौलाले भने, ‘चीज आफ्ना सबै पत्र, जीवनका रङसहित आउनु भएको छ। चीजले पुस्तकमा आफ्ना कुरा मात्र होइन, आफ्नो परिवेशलाई पनि उतारेका छन्।'
कार्यक्रममा अर्का वक्ता तथा बन्दीपुरका कवि द्वारिका श्रेष्ठले पनि चीजकुमारको पुस्तक पढ्नै पर्ने किसिमको भएको बताए। ‘संघर्ष गरेर एउटा मानिसले के-कति गर्न सक्छ भन्ने यसमा लेखिएको छ,’ कवि श्रेष्ठले भने, ‘अत्यन्त सरल भाषामा लेखिएको पुस्तकले मलाई बन्दीपुर पुर्या यो।'
लेखक चीजकुमार श्रेष्ठले पहिले पुस्तक लेख्ने सोच नभए पनि पुस्तक लेखिसक्दा आफूलाई हलुका बनाउन सकेको भन्दै पुस्तक तयार पार्न सहयोग गर्ने सबैलाई धन्यावाद दिए। पुस्तक फिनिक्स बुक्सले बजारमा ल्याएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764421784.jpg)
-1764421490.jpeg)
-1764416325.jpg)
-1764146706.png)
-1763721444.png)
-1763559424.jpg)
-1764080971.png)
