काठमाडौँ- एमाले नेता वामदेव गौतमलाई हराएका कांग्रेस नेता तथा सिँचाइ मन्त्री सञ्जय गौतमले आफू कामले 'हेभीवेट' भएको बताएका छन्।
रिपोर्टर्स क्लब नेपालले आयोजना गरेको अन्तर्क्रियामा उनले गौतमलाई इंगित गर्दै नामले मात्रै कोही 'हेभीवेट' नहुने प्रस्ट पारे। ‘नामको हेभीवेटले हुँदैन, म त कामको हेभीवेट हुँ,' उनले भने, 'मलाई बर्दियाको माटोले पत्याउँछ भन्नेमा सुरुदेखि नै विश्वास थियो।’ उनी बर्दिया-१ बाट एमाले नेता वामदेवलाई पराजित गर्दै सांसद भएका छन्।
उनले संसदीय दलको नेता को बन्ने भन्नेबारे अहिले नै भन्नु हतार हुने समेत स्पष्ट पारेका छन्। पार्टी नेतृत्व गर्न युवाहरुले सोच राख्नु अतिशोयोक्ति नहुने भन्दै उनले थपे, ‘तर देशभरिका साथीहरुको टाउको जोडिन बाँकी छ, म पनि युवा नै हो, तर राजनीति लहडमा चल्दैन।’
राष्ट्रियसभा सम्बन्धी अध्यादेश सरकारले निर्वाचन हुनुअगावै विधिसम्मत रुपमा राष्ट्रपतिसमक्ष प्रस्तुत गरेकाले त्यसलाई पारित गर्नुपर्नेमा समेत उनले जोड दिएका छन्। राष्ट्रियसभाको निर्वाचनपछि मात्रै संघीय संसद्ले पूर्णता पाउने भएकाले यसलाई राष्ट्रपतिले तत्काल स्वीकृत गर्नुपर्नेमा जोड दिए।
मन्त्री गौतमले समानुपातिक–समावेशी सिद्धान्तका आधारमा एकल संक्रमणीय व्यवस्थाअनुसार अध्यादेश ल्याइएको बताउँदै राष्ट्रपतिले आफ्नो संवैधानिक अधिकार प्रयोग गर्न पाउने भएकाले उनको भूमिकामा टिप्पणी गर्नु अमर्यादित हुने बताए।
'कांग्रेस र एमालेबीच राजनीतिक दुरी बढिरहेको अहिलेको अवस्थामा माओवादी केन्द्रका अध्यक्ष पुष्पकमल दाहाल प्रचण्डले मध्यमार्गी भूमिका खेल्नुपर्छ,' उनले भने, 'विशेषगरी सरकार र दलबीच संवाद सञ्चालन गर्न उहाँको भूमिका यतिबेला खाँचो छ।'
संस्थागत रुपमा कांग्रेस सञ्चालन हुन नसक्दा पराजय भोग्नुपरेको भन्दै उनले यसको समीक्षा गर्न तत्काल केन्द्रीय कार्यसमिति बैठक बोलाउनुपर्ने माग गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749801778.jpg)
-1749797959.png)
-1749979333-1749983311.jpg)
-1749826086.png)
