काठमाडौं– प्रधानमन्त्री शेरबहादुर देउवाले बोलाएको सर्वदलीय बैठक बालुवाटारमा सुरु भएको छ।
राष्ट्रियसभा सम्बन्धी अध्यादेशको विषयमा देखिएको विवादबारे छलफल गर्न देउवाले ५ दलका शीर्ष नेताहरुको सर्वदलीय बैठक बोलाएका छन्। प्रधानमन्त्री निवास बालुवाटारमा जारी बैठकमा राष्ट्रिय पार्टीहरु एमाले, कांग्रेस, माओवादी केन्द्र, संघीय समाजवादी फोरम र राजपा नेपालका शीर्ष नेताहरु सहभागी छन्।
बैठकमा एमालेबाट अध्यक्ष केपी शर्मा ओली, वामदेव गौतम, सुवास नेम्वाङ, माधवकुमार नेपाल, माओवादी केन्द्रबाट अध्यक्ष पुष्पकमल दाहाल प्रचण्ड, नारायणकाजी श्रेष्ठ, रामबहादुर थापा, कांग्रेसबाट रामचन्द्र पौडेल, विमलेन्द्र निधि, संघीय समाजवादी फोरमबाट उपेन्द्र यादव, राजपाबाट महन्थ ठाकुर लगायत सहभागी छन्।
चुनावयता प्रधानमन्त्री देउवा र एमाले अध्यक्ष ओलीबीच यो नै औपचारिक भेटवार्ता हो।
दलहरुबीचको विवादका कारण राष्ट्रपछि विद्यादेवी भण्डारीले अध्यादेश जारी गरेकी छैनन्। राष्ट्रियसभा गठन पहिले कि सरकार गठन भन्नेमा कांग्रेस र वाम गठबन्धनबीच सहमति जुट्न नसक्दा राजनीतिक गतिरोध लम्बिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
