काठमाडौं– एभरेस्ट प्रिमियर लिग (इपिएल) मा काठमाडौं किंग्स इलेभेनले पहिलो जित दर्ता गराएको छ। यसअघि लगातार २ खेलमा पराजित भएको काठमाडौंले बिहीबार भएको खेलमा चितवन टाइगर्सलाई ३ विकेटले पराजित गरेको हो। चितवन भने लगातार दुई खेलमा पराजित भएको छ।
चितवनले दिएको १ सय ४३ रनको लक्ष्य काठमाडौंले १९.२ ओभरमा ७ विकेट गुमाएर पार गर्यो। काठमाडौंको जितमा कप्तान फरविज महारुफले सबैभन्दा बढी ३९ रनको योगदान गरे। माहारुफले ३३ बलमा ३ चौका र २ छक्का प्रहार गरे। ओपनर अमित श्रेष्ठले ३८ रन जोडे। उनले २४ बलमा ७ चौका हिर्काए। सागर कुमारले २३ रन जोडे भने सिद्धान्त लोहनीले १२ रनको योगदान गरे। बलिङतर्फ चितवनका प्रविन गुप्ताले २ विकेट हात लिए। प्रवेश कुमार, साहब अलाम र दीपेन्द्रसिंह ऐरीले समान १–१ विकेट लिए।
त्यसअघि टस हारेर पहिले ब्याटिङ गरेको चितवनले २० ओभरमा ७ विकेट गुमाएर १ सय ४२ रन जोड्यो। चितवनका लागि ओपनर दिलीप नाथले ४६ रन बनाए। साबेज खानले २७ रन जोडे भने योगेन्द्रसिंह कार्कीले १७ र कमलसिंह ऐरीले १२ रनको योगदान गरे।
इपिएलमा २ खेलबाट ४ अंक जोडेको विराटनगर शीर्ष स्थानमा छ। दोस्रो स्थानको भैरहवालले पनि २ खेलबाट ४ अंक नै बटुलेको छ। तेस्रो स्थानको पोखराको २ खेलबा६ २ अंक, चौथो स्थानको ललितपुरको ३ खेलबाट २ अंक, पाँचौ स्थानको काठमाडौंको ३ खेलबाट २ अंक र छैटौं स्थानको चितवनले २ खेलबाट अंक जोडेको छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
