काठमाडौं– कांग्रेसको भ्रातृसंस्था तरुण दलले पक्राउ परेका आफ्ना जिल्ला नेता राधाकृष्ण भण्डारी ‘राधे’लाई रिहा नगरे सरकार विरुद्ध मुद्दालाई अन्तर्राष्ट्रियकरण गर्ने चेतावनी दिएको छ।
झगडा छुट्याउन जाने क्रममा घाइते भएका जनक मगरले तरुण दलका धार्दिङ उपाध्यक्ष राधेलाई नदेखेको बताउँदा पनि प्रहरीले पक्रेको भन्दै तरुण दलले आपत्ति जनाएको छ।
केन्द्रीय कार्यालयमा गरिएको पत्रकार सम्मेलनमा सरकारले आफू इतरको विचार राख्नेलाई विभिन्न बहानामा फसाउन उद्धत रहेको भन्दै सरकारको आलोचना गरेको छ।
तरुण दलले ‘प्रहरीले घटनामा संम्लग्न हुँदै नभएका तरुण दलका उपाध्यक्ष भण्डारीलाई घाइते मगरको किटानी जाहेरी दिएको गलत कागज बनाइ पक्राउ गरेको’ जनाएको छ।
भण्डारी समाजसेवामा क्रियाशील रहेको तरुण दलले दाबी गरेको छ।
तरुण दलका अध्यक्ष जीतजंग बस्नेतले भण्डारीको बिनासर्त रिहा नगरे सरकार विरुद्ध देशव्यापी आन्दोलन गर्ने चेतावनी दिए।
खोजी सूचीमा रहेका भण्डारीलाई प्रहरीले बुधबार गजुरी २ बाट पक्राउ गरेको थियो।
अर्का गुण्डा नाइके दिनेश अधिकारी (चरी) समूहले राधेका भाइको हात काटिदिएपछि राधे समूह सक्रिय भएको थियो।
त्यही रिसिइबीमा २०७० असार २१ मा धादिङबाट राजधानी फर्किने क्रममा राधेको समूहले ज्यान मार्ने उद्देश्यसहित चरीलाई गोली हानेको थियो। यो घटनामा राधे पक्राउ परेका थिए।
तर, राजनीतिक दबाबका कारण डेढ लाख धरौटीमा छुटे।
यो पनि पढ्नुहोस् :
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
