काठमाडौं- आइसिसी एकदिवसीय विश्वकप क्रिकेटमा अस्ट्रेलियाले लगातार दोस्रो जित हात पारेको छ। अस्ट्रेलियाले बिहीबार राति सकिएको खेलमा वेस्ट इन्डिजलाई १५ रनले पराजित गर्यो। वेस्ट इन्डिजको यो पहिलो हार हो।
अस्ट्रेलियाले दिएको २८९ रनको लक्ष्य पछ्याएको वेस्ट इन्डिजले ९ विकेटको क्षतिमा २७३ रन जोड्यो।
वेस्ट इन्डिजका लागि कप्तान जासन होल्डरले ५१ रन जोडे। त्यसअघि शाइ होपले ६८ रन र निकोलास पुरानले ४० रनको योगदान दिए। त्यसअघि ओपनर क्रिस २१ रनमा आउट हुँद इभिन लेभिसले १ रन मात्र जोड्न सके।आन्द्रे रसेल १५ रन र कार्लोस वाथवेट १६ रनमै आउट हुँदा वेस्ट इन्डिज जित नजिक पुगेर पनि पराजित भयो।
बलिङमा अस्ट्रेलियाका मिचेल स्टार्कले ५ विकेट लिए। उनले १० ओभरमा १ मेडन राख्दा ४६ रन खर्चिए। पाट कमिङ्ग्सले २ र एडम जाम्पाले १ विकेट हात पारे।
त्यसअघि टस जितेको वेस्ट इन्डिजले फिल्डिङ रोजेपछि पहिले ब्याटिङ गरेको अस्ट्रेलिया ४९ ओभरमा २८८ रनमा अलआउट भयो। खराब सुरुवात गरेको अस्ट्रेलियाका लागि नाथान काउटर निल स्टिभ स्मिथले योगदान दिए। स्मिथले ७३ रन जोडे। उनले १०३ बलमा ७ चौका हिर्काए। त्यसअघि ओपनर डेभिड वार्नर ३ र कप्तान आरोप फिन्च ६ रनमा आउट भए। लगत्तै ग्लेन म्याक्सवेल शून्यमा पेभिलियन फर्के।
मार्कोस स्टोइनिस १९ रनमा आउट भएपछि स्मिथलाई एलेक्स क्यारीले ४५ रन जोडेर साथ दिए। नाथान काउटर निलले सबैभन्दा बढी ९२ रन बनाए। उनले ६० बलमा ८ चौका र ४ छक्का हिर्काए। उनी नै खेलको म्यान अफ दि म्याच भए।
बलिङमा कार्लोस बाथवेटले ३ विकेट हात पारे। ओसान थोमस, सेलडम कोट्रेल र आन्द्रे रसेलले २-२ विकेट लिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
