कोल्हापुर (एजेन्सी)– भारतीय टेस्ट टिमका उपकप्तान अजिंक्या रहाणेका बुवाले चलाएको कारले ठक्कर लाग्दा शुक्रबार दिउँसो एक महिलाको निधन भएको छ। यो घटनामा रहाणेका बुवा मधुकर बाबुरावलाई कोल्हापुर प्रहरीले पक्राउ गरी सोधपुछ गरिरहेको छ।
मधुकरले हाँकेको कार दूर्घटना हुँदा कारमा परिवारका अन्य सदस्य पनि भएको बताइएको छ। उनीहरू कारबाट मुम्बई जाँदै थिए। प्रहरीका अनुसार मधुकर राष्ट्रिय हाइवेको ४ नम्बरमा आफ्नो होन्डाई आई–२० कारमा थिए। कार तीब्र वेगमा भएको बताइएको छ। कंगल क्षेत्रमा उनले आफ्नो कारलाई नियन्त्रणमा राख्न नसकेपछि आशा काम्बले नामकी महिलालाई ठक्कर लागेको थियो।
घटनालगत्तै गाउँलेले रहाणेका बुवालाई घेरेका थिए। घाइते महिलाको अस्पतालमा उपचारको क्रममा मृत्यु भएको बताइएको छ। महिलाको मृत्यु भएपछि रहाणेका बुवा मधुकरलाई स्थानीयवासीले पुलिसको जिम्मा लगाएका थिए। उनी विरुद्ध पुलिसले आपराधिक मामिलामा मुद्धा दायर गरेको छ।
रहाणे भारतीय टेस्ट टिमका उपकप्तान हुन्। उनी श्रीलंका विरुद्ध एकदिवसीय शृंखलामा समावेश हुन हाल विशाखापट्टनममा टोलीसँग छन्। तेस्रो एकदिवसीय आइतबार हुँदैछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749384056.png)
