काठमाडौँ- यात्रुबाहक बसमा लुटपाट गर्ने समूहलाई प्रहरीले पक्राउ गरेको छ। गत १७ गते बिहान अन्दाजी ३ बजेको जिल्ला बारा जितपुर सिमरा उपमहानगरपालिका -१६ चौध किलोस्थित पुर्व पश्चिम राजमार्गको जंगल एरियामा रात्रीकालीन बस रोकी लुटपाट मच्चाउने गिरोह पक्राउ परेको हो। उनीहरु ७ जनाको समूहलाई प्रहरीले पक्राउ गरेको जानकारी दिएको छ।
काठमाण्डौंबाट महोत्तरी जलेश्वरको लागि जाँदै गरेको ना ७ ख २७९० नम्बरको बसलाई रोकेर उनीहरूले नगद तथा जिन्सी सामग्री लुटपाट गरेका थिए।
बा ७ च ४८७६ नम्बरको रातो स्कोर्पियो गाडी, ज.१२ प ४६८० र बा ८६ प ९७७१ नम्बरको पल्सर मोटरसाईकलमा आएका ७ जना व्यक्तिहरुले उक्त यात्रु बाहक बसलाई नियन्त्रणमा लिएर लुटपाट गरेका थिए। बसमा रहेका परिचालकलाई कुटपिट गरी ४५ नेपाली रुपैयाँ र २००० भारतीय रुपैयाँसहित सामसुङ मोबाइ समेत लुटी डाका गरी फरार भएका थिए।
घटनामा पिडित तथा बसमा सवार यात्रुहरुले दिएको हुलियाको आधारमा निजहरुको खोजतलाश एवं पक्राउ गरी प्रहरीले मुद्दा चलाएको जानकारी दिएको छ। डाका मुद्दा शिर्षकमा आइतबार बारा जिल्ला अदालतबाट हिरासतमा राख्ने दिन ५ को म्याद अनुमति लिई थप अनुसन्धान कार्य भई रहेको प्रहरीले जानकारी दिएको छ।
पक्राउ परेका व्यक्तिहरु
- जि.सर्लाही हरीवन न. पा.- १० बस्ने स्कारपियो चालक बर्ष-२७ को दिल कु. दोङ्ग
- जि.सर्लाही हरीवन न. पा. ८ बस्ने बर्ष- २४ को बिजय लामा ।
- जि.सिन्धुली हरीहरपुर गा. पा. -७ बस्ने बर्ष-३६ को टाईगर भन्ने सुनिल तामाङ्ग ।
- जि.रौतहट गुजरामाइ न. पा. - २ बस्ने बर्ष- ३४ को ज्ञान ब. थिङ् ।
- जि.काभ्रे महाभारत गा. पा. -२ बस्ने बर्ष- ३० को बिशाल पाख्रिन ।
- जि.महोत्तरी बागडा ५ घर भई हाल ऐ बर्दिबास न पा ११ बस्ने वर्ष २१ को सन्तोष भन्ने रमेश कुमार ।
- जि.सिन्धुली मरीन गा. पा.-५ घर भै हाल जि. बारा निजगढ न. पा. - ८ बस्ने बर्ष २६ को संघर्ष थिङ ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।