फाइल तस्बिर
काठमाडौँ- नेपाल कम्युनिष्ट पार्टीका अध्यक्ष पुष्पकमल दाहालले सरकारको कार्याकालसम्बन्धी आफ्नो भनाई अतिरञ्जित नगर्न आग्रह गरेका छन्।
शनिबार बिहान विराटनगर विमानस्थलमा पुगेका अध्यक्ष प्रचण्डले संचारकर्मीसँग संक्षिप्त प्रतिक्रिया दिँदै सरकार गठनका समयमा भएको सहमतिलाई लिएर अतिरञ्जित गर्नु आवश्यक नभएको बताएका हुन्।
'आलोपालो सरकार चलाउने विषय पुरानै विषय भएकाले यसअघि पनि कयौ पटक संचारमाध्यममा आईसकेकाले अनावश्यक प्रचारबाजीमा नजान आग्रह गर्दछु,' अध्यक्ष दाहालले भने।
उनले भारतीय विदेश मन्त्री जो भएपनि त्यसले नेपालमा तात्विक असर नपार्ने दाबीसमेत प्रस्तुत गरे।
विदेश सचिव भएको सयमा नेपालप्रति अनुदार देखिएका एस जयशंकर हालै भारतीय विदेशमन्त्री बनेको सन्दर्भमा नेपालमा पर्ने प्रभावका बारेमा संचारकर्मीले राखेको जिज्ञासामा अध्यक्ष दाहालले यस्तो प्रतिक्रिया दिएका हुन्।
नाकाबन्दी, संविधान निर्माण लगायत प्रक्रियामा भारतले शिक्षा लिइसकेको र त्यस किसिमको घटना नदोहोरियोस् भनेर आफूहरुले पनि सर्तकता अपनाएकाले भारतीय विदेशमन्त्री जयशंकर नै भएपनि नेपालमा त्यसको तात्विक असर नपर्ने तर्क उनको थियो।
संविधान निर्माण र नाकाबन्दीमा महत्वपुर्ण भुमिका निर्वाह गरेका यस जयशंकर विदेशमन्त्री भए लगत्तै त्यसले नेपालमा पार्ने प्रभावबारे टिप्पणी हुन थालेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787723619.jpg)
-1786602170.png)
