काठमाडौं- धनुषामा पेस्तोलसहित ३ बाबुछोरा समातिएका छन्। पक्राउ पर्नेमा धनुषाको बटेश्वर गाउँपालिका-१ का ४५ वर्षीय रामचन्द्र कुशवाहा, उनका छोराहरु २७ वर्षीय मनोज कुमार कुशवाहा र २२ वर्षीय प्रमोद कुमार छन्।
जेठ १६ गते राति साढे ११ बजे बटेश्वर गाउँपालिका-१, चित्रपुरमा मनोज कुमार कुशवाहाले डरत्रास देखाउँदै आतंक फैलाएपछि स्थानीय र उनीबीच झगडा भएको थियो।
झगडा भएपछि उनका बुवा रामचन्द्र कुशवाह र भाइ प्रमोद कुमार समेत प्रदेश नम्बर २–०२–००१ प ०९३७ नम्बरको मोटरसाइकलमा आएर पेस्तोल देखाउँदै धम्की दिएका थिए।
उक्त सूचना प्राप्त हुनासाथ अस्थायी प्रहरी पोष्ट बडहरीबाट असई र इलाका प्रहरी कार्यालय ढल्केबरबाट प्रहरी निरीक्षकको कमाण्डमा खटिएको टोलीले उनीहरुलाई हतियारसहित पक्राउ गरेको हो।
प्रहरीले मनोज कुमारको पाइन्ट भित्र कम्मरमा राखी सर्टले छोपेर राखेको अवस्थामा १० इन्च लामो विटमा काठ प्रयोग भएको फलामको अटोमेटिक पेस्तोल १ थान, पाइन्टको दायाँ खल्तीबाट हुवाई कम्पनीको मोबाइल १ थान र पल्सर मोटरसाइकल बरामद गरेको हो।
त्यस्तै उनका बुबा रामचन्द्र महतोले भागेको भनेको आधारमा खोजी गर्दा प्रमोद कुमारले फालेको भनेको स्थानबाट ११ इन्च लम्बाई भएको एलकेआइसी १२-५९ लेखिएको गोली लोड भएको १ थान कटुवा पेस्तोल बरामद गरिएको प्रहरीले जनायो।
उनीहरु तीनै जनालाई जिल्ला अदालत धनुषाबाट हातहतियार तथा खरखजना मुद्दामा ७ दिनको म्याद थप गरेर अनुसन्धान अघि बढाइएको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787723619.jpg)
-1786602170.png)
