नेपालगञ्ज– मुगु र हुम्लामा हिमपात भएको छ। हिमपातका कारण नेपालगञ्जदेखि हुम्लाको सिमकोट र मुगुको ताल्चाका लागि हुने उडान अवरुद्ध भएको नेपालगञ्ज नागरिक उड्यन कार्यालय नेपालगञ्जले जनाएको छ।
हुम्लामा बिहान ६ बजेदेखि सुरु भएको हिमपातका कारण सिमकोटमा १ फिटसम्म बाक्लो हिउँ जमेको छ। हिमपातले सिमकोटदेखि उत्तरी क्षेत्रका सबै गाउँको तापक्रम माइनसमा झरेको छ।
हिमपातपछि सिमकोटका साथै उत्तरी क्षेत्रका लिमी, मुचु र बरगाउँमा अत्यधिक जाडो बढेको छ।
हिमपातका कारण चीनसँग सीमा जोडिएको उत्तरी गाविस लिमीका बासिन्दालाई घरबाट बाहिर निस्किन समेत समस्या परेको छ। त्यहाँको तापक्रम माइनस ५ सम्म झरेको छ।
हिमपातले जनजीवन कष्टकर भए पनि हिउँ परेपछि खेतीपाती राम्रो हुने भएकाले किसान भने खुसी भएका छन्।
नेपालगञ्जदेखि हुम्लाको सिमकोट र मुगुको ताल्चाका लागि दैनिक ३ देखि ४ वटासम्म उडान हुँदै आएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
