इटहरी– मंसिर १० र २१ गते भएका दुइ चरणका प्रदेशसभा तथा प्रतिनिधिसभाको चुनावमा केहि नेताहरुले व्यापक मतान्तरको जित निकालेका छन । प्रदेश एकका दश नेताहरु दश हजार बढिको मतान्तले बिजयी भएका छन । वाम गठबन्धनकै सबै उम्मेदवारहरु यो दश हजार भन्दा बढी मत प्राप्त गर्ने सूचीमा छन् । यसमा पूर्वप्रधानमन्त्रीहरु झलनाथ खनाल र केपी शर्मा ओली सहित रहेका छन् । प्रदेश एकमा दश हजार बढिको मतान्तरले जित निकाल्ने आठ जना उम्मेदवाहरु एमालेका हुन् भने एक जना माओवादस्का सुदन किराँती र एक जना राप्रपाका राजेन्द्र लिङ्देन रहेका छन्।
यी हुन् दश हजार बढी मतान्तरले विजयी प्रदेश १ दश उम्मेदवारहरुः
१. केपी शर्मा ओलीः एमाले अध्यक्ष तथा प्रस्तावित प्रधानमन्त्री केपी शर्मा ओलीले प्रदेश १ मा सबैभन्दा धेरैको अन्तरले जितेका हुन् । झापाको क्षेत्र नम्बर पाँचका प्रतिनिधिसभा उम्मेदवार ओलीले २८ हजार ८ सय ४२ मतान्तरले आफ्ना निकटतम प्रतिस्पर्धी डा खगेन्द्र अधिकारीलाइ हराएका हुन्। ओलीको कुलमत ५७ हजार १ सय ३९ आएको थियो।
२. जयकुमार राईः सुनसरी क्षेत्र नम्बर १ का प्रतिनिधिसभाका एमाले उम्मेदवार जय कुमार राईले २० हजार बढीको मतान्तर छ्। अन्तिम परिणाम आउने क्रममै रहँदा उनले पूर्व एमाले अध्यक्ष समेरहेका हाल संघीय समाजवादी फोरमका वरिष्ठ नेता अशोक राईलाइ झण्डै दोब्बर मतान्तरले जित्न लागेका हुन्। हाल सम्म जयकुमार राईको मत ४० हजार ७ सय ७६ आएको छ भने अशोक राईको २० हजार ४ सय ४८ आएको छ ।
३. झलनाथ खनालः इलाम क्षेत्र नम्बर एकका प्रतिनिधिसभाको उम्मेदवार तथा पुर्वप्रधानमन्त्रि तथा पुर्व एमाले अध्यक्ष झलनाथ खनालले १७ हजार १ सय ८० मतान्तरको जित निकालेका छन । निकटतम प्रतिस्पर्धि कांग्रेसका भुपेन्द्र कट्टेललाइ विशाल मतान्तरले हराएका खनालको जम्मा मत ३६ हजार ८ सय ०७ आएको थियो ।
४. एलपी साँवाः झापा क्षेत्र नम्बर चारका प्रतिनिधिसभाका एमाले उम्मेदवार एलपी साँवाले १६ हजार ६ सय ९३ को मतान्तरले चुनावी जित निकालेका छन । आफ्ना प्रतिस्पर्धी नेपाली कांग्रेसका उम्मेदवार देउमान थेवेलाइ हराएका साँवाको कुल मत ४३ हजार ५ सय १५ आएको थियो ।
५. राजेन्द्र लिङ्देनः झापाको क्षेत्र नम्बर तीनका राप्रपाका प्रतिनिधिसमाका उम्मेदवार लिङदेनले १३ हजार ४ सय ५५ को मतान्तरले नेपाली कांग्रेसका हेभिवेट उम्मेदवार कृष्ण सिटौलालाई हराएका हुन्। वामपन्थि गठबन्धनको सहयोग पाएका लिङ्देनले ४४ हजार ६ सय १४ मत पाएका थिए ।
६. शेरधन राईः भोजपुर प्रदेशसभा ‘ख’का उम्मेदवार शेरधन राई १३ हजार २ सय २९ को मतान्तरले बिजय भएका छन्। आफ्ना प्रतिस्पर्धी कांग्रेसका गोबिन्द बहादुर कार्कीलाइ हराएका राईले २० हजार ३ सय ३४ मत ल्याएका छन् । प्रदेश एकमा प्रदेश सभाको सबैभन्दा फराकिलो अन्तर निकालेका राई प्रदेश १का मुख्यमन्त्रीका प्रवल दाबेदार पनि हुन्।
७. शुदन किराँतीः माओवादी केन्द्रका भोजपुरका प्रतिनिधिसभा सदस्यका उम्मेदवार शुदन किराँतीले १२ हजार ६ सय ९८ मतान्तरको विजय भएका छन्। नेपाली कांग्रेसका उम्मेदवार उमेशजंग राझमाझीलाइ हराएका किराँतीले ३४ हजार ३ सय ९४ मत ल्याएका थिए ।
८. योगेश भट्टराईः दुई पटक काठमाडौंमा लगातार चुनावी हार खेपेका एमालेका सचिव योगेश भट्टराईले गृह जिल्ला ताप्जेजुङमा भने सानदार जित निकालेका छन्। उनले १२ हजार ५ सय ८१ मतान्तरले हराउँदै चुनावी जित निकाले । उनका प्रतिस्पर्धी नेपाली कांग्रेसका उम्मेदवार केशव दाहाललाई हराउन भट्टराईले २९ हजार ४ सय ७१ मत ल्याएका थिए ।
९. राजेन्द्र राईः धनकुटाका प्रतिनिधिसभा सदस्य उम्मेदवार राजेन्द्र राईले हेभिवेट भनिएका सनिल कुमार थापालाइ ११ हजारको मतान्तरले हराउँदै जित निकालेका छन्। राईले ३७ हजार ३ सय ३३ मत पाएका थिए ।
१०. वसन्त कुमार नेम्वाङः पाँचथरका प्रतिनिधिसभा सदस्य पदका एमाले उम्मेदवार बसन्त कुरमा नेम्वाङले १० हजार ६ सय १६ मतान्तरले विजयी भएका छन । आफ्ना निकटतम प्रतिस्पर्धी नेपाली कांग्रेसका भीष्मराज आङ्देम्बेलाइ हराएका नेम्वाङको कुल मत ३८ हजार ६ सय ४२ आएको थियो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749307650.png)
-1749200817.png)
