दैलेख – दैलेखका सबै स्थानमा वाम गठबन्धनका उम्मेदवार विजयी भएका छन्।
दुई प्रतिनिधिसभा र चार प्रदेशसभा सदस्य निर्वाचन क्षेत्र भएको दैलेखको प्रतिनधिसभा सदस्यमा क्षेत्र नं १ बाट एमालेका रवीन्द्र शर्माले २३ हजार ७७३ मत प्राप्त गरी विजयी भएका छन् उनका प्रतिद्वन्द्वी राप्रपाका केन्द्रीय सदस्य दीपककुमार शाहीले १७ हजार २५३ मत प्राप्त गरे।
यसैगरी क्षेत्र नं २ बाट राजबहादुर बुढाले २३ हजार ३२३ मत प्राप्त गरी विजयी भएका छन् भने उनका निकटतम प्रतिद्वन्द्वी काँग्रेसका शिवराज जोशीले १६ हजार ६३४ मत प्राप्त गरे।
क्षेत्र नं १ को प्रदेशसभा (क) मा वाम गठबन्धनका उम्मेदवार माओवादी केन्द्रका नेता धर्मराज रेग्मीले १० हजार ३६१ मत प्राप्त गरी विजयी भएका छन्। उनका निकटतम प्रतिद्वन्द्व कांग्रेसका जिल्ला सभापति कृष्णकुमार विसीले आठ हजार ७६२ मत प्राप्त गरे।
प्रदेशसभा (ख) मा एमालेका अम्मरबहादुर थापाले १२ हजार ५६७ मत प्राप्त गरी विजयी भएका छन्। उनका निकटतम प्रतिद्वन्द्वी काँग्रेसका जगतजंग थापाले १० हजार ५८४ मत प्राप्त गरे।
त्यस्तै क्षेत्र नं २ प्रदेशसभा (क) मा एमालेका सुशील थापाले ११ हजार ८४ मत प्राप्त गरी विजयी भएका छन्। उनले काँग्रेसका मधुविक्रम खनाललाई दुई हजार ७८६ मतान्तरले पराजित गरे।
प्रदेशसभा (ख) मा एमालेका राजबहादुर शाहीले ११ हजार ४४५ मत प्राप्त गरी विजयी भएका छन्। उनका निकटतम प्रतिद्वन्द्वी काँग्रेसका दिक्पाल शाहीले आठ हजार ४६६ मत प्राप्त गरे।
विजयी भएपछि संक्षिप्त प्रतिक्रिया दिँदै धर्मराज रेग्मीले दैलेखको समग्र विकासमा आफ्नो योगदान हुने र वाम गठबन्धनले लिएको नीतिअनुसार जिल्ला र आफ्नो क्षेत्र समृद्धि गर्ने अभियानमा लाग्ने बताएका छन्।
जिल्लाको आर्थिक अवस्था सुधार हुने, कामहरु प्रभावकारी ढंगले लागू गर्ने र आफूले कुनै पनि रकमको लोभ नगरेर जनताको हितका लागि काम गर्ने प्रतिवद्धता उनले व्यक्त गरे।
त्यस्तै जित भएपछि संक्षिप्त प्रतिक्रिया दिदैं अमर थापाले आफू दैलेखको सांसद हुँदा शुरु गरेका र पूरा हुन नसकेका ठूला विकासे योजना तत्काल पूरा गर्ने, दैलेख सदरमुकाम हुँदै महावु सडकखण्डकोे निर्माण कार्यलाई तीव्रता दिने, दैलेख सुर्खेत सडकखण्ड दुई लेनको बनाउने र दैलेखको समग्र विकास आफू लागिपर्ने प्रतिवद्धता व्यक्त गर्दै युवा बेरोजगारी समस्या समाधान गर्ने कार्यमा आफू लागिरहने बताए। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749262134.jpg)
-1749200817.png)
