काठमाडौं- सत्तारुढ नेपाल कम्यनिस्ट पार्टी (नेकपा)का संसदीय दलका प्रमुख सचेतक देवप्रसाद गुरुङले पोखरामा जारी सैन्य अभ्यासप्रति प्रश्न उठाएका छन् ।
मंगलबार प्रतिनिधिसभा बैठको शून्य समयमा बोल्दै गुरुङले यस्ता सैन्य अभ्यासले नेपालको राष्ट्रिय अस्मितालाइ असर गर्ने बताए।
‘विपद् व्यवस्थापनको नाममा संयुक्त सैन्य अभ्यासको सुरुवात भएको छ,’ गुरुङले प्रश्न गर्दै भने, ‘नेपालको राष्ट्रियताको संकट परिरहेको अवस्थामा, शक्ति राष्ट्रबीच टकराब परिरहेको अवस्थामा यस्तो प्रकारको सैन्य अभ्यासले नेपालको राष्ट्रिय अस्मितालाई कहाँ पुर्याउँछ ?’
उनले यो बिषयमा प्रधानमनन्त्री, परराष्ट्र र रक्षा मन्त्रालयको समेत ध्यानाकर्षण गराउन गराए।
नेपाली सेना र अमेरिकी सेनाकोको इन्डो प्यासेफिक युनिटले मिलेर आयोजना गरेको विपद् व्यवस्थापन सम्बन्धी अभ्यास ५ बैखाशदेखि पोखरामा सुरु भएको हो।
‘विपद् प्रतिक्रिया अभ्यास तथा आदान—प्रदान’ नाम दिएको उक्त सैन्य अभ्यास पोखराको विभिन्न स्थानमा सञ्चालन भइरहेको छ ।
नेपाली सेनाले भने यो विपद् व्यवस्थापन सम्बन्धी नियमित अभ्यास भएको बताएको छ । ‘अमेरिकी सेनाको इन्डोप्यासिफिक सहयोग अन्तर्गत नेपाली सेनालाई तालिम दिनका लागि यो अभ्यास आयोजना गरिएको हो हो,’ नेपाली सेनाका प्रवक्ता विज्ञानदेव पाण्डेले भने, ‘भूकम्प जस्ता प्राकृतिक विपद्का बेला हुने उद्धारमा यसले क्षमता विस्तार गर्छ। यो नियमति अभ्यास हो।’
सैन्य अभ्यासको गण्डकी प्रदेशका आन्तरिक मामिला तथा कानून मन्त्री श्री हरि बहादुर चुमानले पोखराको होटले ग्रान्डीमा उद्घाटन गरेका थिए।
विपद् व्यवस्थापनको समयमा हुने विभिन्न खोज, उद्धार तथा राहतका कार्यलाई सहज एवं प्रभावकारी बनाउने उद्देश्यले अभ्यास सञ्चालित भएको सेनाका बलाध्यक्ष रथी गौरव तण्डुलले उक्त अभ्यासको उद्घाटनमा बताएका थिए।
नेपाली सेनाका अनुसार उक्त अभ्यासमा विभिन्न मित्रराष्ट्रहरुबाट ७१, नेपाली सेनाबाट ६०, नेपाल प्रहरीबाट ९, सशस्त्र प्रहरी बलबाट ९, निजामति कर्मचारी ३८, एनजिओ÷आइएनिजो २२ र गैर सरकारी संस्थाहरु १३ गरी २२२ जना शिक्षार्थीहरु सहभागी भएका छन्।
उक्त सैन्य अभ्यास १२ गते सकिँदै छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
