काठमाडौं- भारतीय लोकसभा निर्वाचनको अन्तिम चरण आज समापन हुँदैछ। आजको मतदानमा हिंसाका केही घटना भएको बताइएको छ।
सातौँ चरणमा भईरहेको चुनावमा चन्डीगढलगायतका ७ राज्यका ५९ सिटमा निर्वाचन भइरहेको छ।
प्रधानमन्त्री नरेन्द्र मोदीको क्षेत्र वाराणासीमा भइरहेको मतदानलाई सबैले चासोका साथ हेरेका छन्।
क्यामेरामानले हातपात गरेको आरोप
पटनामा मतादानका क्रममा आफू र आफ्नो कारमाथि आक्रमण भएको आरोप लालु यादवका छोरा तेजप्रताप यादवले लगाएका छन्।
भोट हालेर निस्कदै गर्दा एक क्यामेराम्यानले गाडीको सिसा ताडेको दाबी गरेका उनले छन्।
सुरक्षाकर्मीले मिडियाकर्मीसँग मिलेर आक्रमण गरेको आरोप यादवले लगाएका छन्।
पश्चिम बंगालमा विजेपी कार्यकर्तामाथि आक्रमण
पश्चिम बंगालको जादवपुर लोकसभा सिटका उम्मेदवार अनुपम हाजराले टीएमसी कार्यकर्ताले बिजेपी अध्यक्ष मण्डल अध्यक्ष, सवारी चालक र कारमा आक्रमण भएको आरोप लगाएका छन्।
पोल एजेन्टमाथि आक्रमण भएको तर आफूले तीन जनाको बचाएको उनले बताए।
शीर जोडिएका दिदि बहिनीले गरे मतदान
शीर जोडिएका पटनाका दुई दिदीबहिले पनि मतदान गरेका छन्।
फराह र सबाले समनपुरा मतदान केन्द्रमा मतदान गरेका हुन्।
गत निर्वाचनमा उनीहरुले एक भोट मात्र दिन पाएका थिए।
तर यस पटक अलग-अलग कार्ड बनाएर दुई भोट उनीहरुले हालेका छन्।
भारत स्वतन्त्र भएपछिका पहिलो मतदाता श्यामशरण नेगीले हिमाञ्चल प्रदेशमा भोट हाले।
एक सय ३ वर्षका उनले सन् १९५१ को पहिलो निर्वाचनमा आफ्नो भोट हालेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
