काठमाडौं– पछिल्लो समय नेपाल एयरलाइन्सले जहाज खरिदमा लिइको ऋणको किस्ता समेत तिर्न सकेको छैन। किस्ता तिर्न नसकेपछि सरकारले नै एयरलाइन्सले तिर्नुपर्ने ऋणको किस्ता र ब्याज तिर्दै आएको छ। ऋणमा डुब्दै गरेको एयरलाइन्सलाई झन् पाइलटबाटै आर्थिक भार थप्ने क्रम रोकिएको छैन। यसको एउटा उदाहरणको पात्र बनेका छन्, एयरबस ए ३२० का को–पाइलट उद्धव घिमिरे।
घिमिरेले एयरबस ३२० को को–पाइलट तालिम सकेको ९० दिनसम्म पनि जहाज नउडाएर एयरलाइन्सलाई थप झन्डै २ हजार डलर अर्थात् २ लाखभन्दा बढी आर्थिक भार थपिदिएका छन्। तालिम सकेको ९० दिनसम्म पनि जहाज उडान नगरेपछि पुनः सिमिलेटर तालिम लिनुपर्ने हुन्छ।
उनै घिमिरेको कारण जहाज वाई–१२ जहाज पनि प्रभावकारी रुपमा उडान हुन सकेको छैन।
डिसेम्बरसम्म घिमिरेले वाई–१२ जहाज उडाइरहेका थिए। जब नेपाल एयरलाइन्सको व्यवस्थापनले वाई १२ जहाज उडान गरिरहेको नवौं तहका सिनियर पाइलट सञ्जय वादे र नृपेन्द्र भट्टराई सट्टा जुनियर पाइलट घिमिरेलाई ए ३२० को को–पाइलटको तालिममा पठाउने निर्णय गर्यो।
.jpg)
व्यवस्थापनको निर्णयको विरोधमा वादे र भट्टराई बिरामी बिदामा बसे। उनीहरु बिदामा बसेको केही दिनसम्म सातामा २/३ वटा मात्रै वाई–१२ जहाजको उडान मात्रै भयो। जहाज उडान गरिरहेको वाई–१२ जहाजका आइपी (प्रशिक्षक पाइलट) आङनुरी शेर्पाको पनि पाइलट सिप परीक्षण प्रमाण पत्र (पिपिसी) को म्याद सकियो। अन्ततः ४ वटै वाई–१२ जहाज ग्राउन्डेड भयो।
त्यसपछि पनि अप्रिल ४ मा चीन गएर पिपिसी नवीकरण गराएका आइपी पाइलट नुरी पनि विना सूचना अमेरिका गएपछि जहाज उडान गरिरहेको भट्टराईको रुट चेक फेल भयो भने वादेको पनि पिपिसीको म्याद सकियो। विना सूचना अमेरिका गएका नुरी पुनः नेपाल एयरलाइन्स फर्किए तर, पुस देखिको तलब नआएको भन्दै वादेले पिपिसी गरेनन्।
अन्य दुई को–पाइलटको भने पिपिसी नवीकरण भए पनि अहिले वाई–१२ जहाज ३ वटा उडान योग्य छ तर सातामा ४/५ वटा मात्रै उडान भइरहेको छ। वाई–१२ जहाज उडानमा निगमले गत आवमा मात्रै ६० करोड घाटा खाएको थियो। यसरी वाई–१२ जहाज उडानमा अस्तवेस्त हुने गरी घिमिरेलाई ए ३२०को को–पाइलट तालिममा पठाएको निगमलाई उनकै कारण थप २ लाखभन्दा बढी आर्थिक भार थपिने भएको छ।
कसरी थपिंदै छ आर्थिक भार?
.jpg)
जनवरी पहिलो साता ए ३२० को तालिमका लागि इन्डोनेसिया गएका घिमिरेले गत फेब्रुअरी १५ मा तालिम पास गरेर नेपाल फर्किएका थिए। नेपाल फर्कएको केही समयपछि उनले को–पाइलटको लाइसेन्स पनि पाए।
नेपाल एयरलाइन्सको व्यवस्थापनले नेपाल नागरिक उड्डयन प्राधिकरणले उनलाई तालिनमा नपठाउने भन्दै पत्र काटे पनि अपरेसन विभागका प्रमुख आरके शेरचनले जबरजस्ती को–पाइलट तालिममा पठाएका थिए।
तर, लाइसेन्स पाएर फेब्रुअरी १५ मा नेपाल फर्के पनि उनले उडन कुनै चासो देखाएन। ए ३२० का एक नेपाली आइपी पाइलट सुवास रिजाल र एक भारतीय आइपी पाइलट नागराज भए पनि उनीहरु दुई जनासँग घिमिरे उड्नै चाहेनन्। जब नेपाल एयरलाइन्सको व्यवस्थापनले पाकिस्तानी आइपी पाइलट मोहमद घानीलाई उडानमा हालेसँगै घिमिरे पनि उडान गर्न राजी भए।
अपरेसन विभागका प्रमुख शेरचनले पाकिस्तानी पाइलट घानीलाई दुई वटा निरीक्षक उडान गरी मे १२ मा कमान्ड उडान गराएपछि उनलाई सेड्युल उडान जहाजको कमान्ड गर्ने दिने सिफारिस गरे। १३ मे मै घानीको कमान्डमा अपरेसन विभागले काठमाडौं–दिल्लीको उडान सेडुल तय गर्यो।
घानीको साथमा पहिलो पटक घिमिरेलाई पनि राखियो।
तर, घिमिरेले अन्तिम समयमा जहाज उडान गर्न पाएनन्। त्यसभन्दा अगाडि नै मे १० मा नेपाल नागरिक उड्डयन प्राधिकरणले घिमिरेलाई मे १५ अगाडि कुनै पनि उडानमा सहभागी नगराउन भन्दै पत्र काटेको थियो। प्राधिकरणले काटेको पत्रमा घिमिरेको पहिलो व्यवसायी उडानमा प्राधिकरणको निरीक्षक आवश्यक पर्ने भनेको थियो।
९० दिनसम्म जहाज उडान गर्न नपाएपछि उनका लागि सिमिलेटर तालिम आवश्यक परेको छ।
अब उनले सिनामंगलको अफिसबाट सिमिलेटर तालिमको लागि अनुमति लिंदै इन्डोनेसिया गएर तालिम गरेर आएपछि मात्रै उडान गर्न पाउने छन्।
९० दिनसम्म पनि दुई जना आइपी पाइलटसँग उडान नगर्दै उनले नेपाल एयरलाइन्सलाई आर्थिक भार थपेका हुन्।
घिमिरेलाई सिमिलेटर तालिममा पठाउने निगमले अनुमति दिइसकेको छ।
.jpg)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
