काठमाडौं- देशका विभिन्न १२ जिल्लाका मुसहर समुदायले बिहीबारको प्रदेश र प्रतिनिधिसभा निर्वाचन बहिष्कार गरेका छन्।
राजनीतिक दल र नेताहरुले आफूहरुको राजनीतिक अधिकार सुनिश्चित गर्न पूर्णरुपमा बेवास्ता गरेको भन्दै उनीहरुले निर्वाचन बहिष्कार गरेका हुन्।
मोरङ, सुनसरी, सप्तरी, सिरहा, धनुषा, महोत्तरी, सर्लाही, रौतहट, बारा, पर्सा, चितवन र नवलपरासीका विभिन्न गाउँमा बसोबास गर्ने मुसहर समुदाय निर्वाचनमा सहभागी नभएका हुन्। उनीहरुले आफ्नो टोलमा निर्वाचनको अघिल्लो दिनदेखि नै चुनावको सांकेतिक बहिष्कार स्वरुप कालो झन्डा राखेका थिए।
मुसहर समुदायको समग्र उत्थान अभियानका संयोजक पचुलाल माझीले आफूहरु लोकतन्त्र र चुनाव विरोधी नभएको भन्दै यो बहिष्कार शोषण, विभेद, अन्याय विरुद्ध भएको बताए।
उनले नयाँ संविधानमा लेखिएको समावेशी समानुपातिक प्रावधानलाई कार्यान्वयन गर्न सकारात्मक दबाब दिने उद्देश्यले निर्वाचन बहिष्कार गरेको समेत बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1698918398-1698987692.png)
-1764146706.png)
