मतदान हुने दिनका लागि उपत्यकामा चार हजार सवारीले लिए पास

ब्लग

नेपाल लाइभ बुधबार, मंसिर २०, २०७४ १९:३९

काठमाडौं– बिहीबार हुने निर्वाचनमा देशभरि अत्यावश्यक बाहेक सवारीसाधन चलाउन निषेध गरिएको छ। अत्यावश्यक सेवाका सवारीसाधनले पनि पास लिएर मात्र चलाउने पाउने गृह मन्त्रालयले जनाएको छ।

निर्वाचन आयोगले उपत्यकामा करिब चार हजार सवारीसाधनलाई सवारी पास वितरण गरेको छ। विभिन्न निकायको सिफारिसमा करिब चार हजार पास वितरण गरिएको जिल्ला प्रशासन कार्यालय काठमाडौंबाट निर्वाचन आयोगमा खटिएका अधिकृत महेशप्रसाद दाहालले बताए।

जन्तीदेखि मलामीसम्म

बिहेको जन्ती ओसार्नदेखि मलामी ओसार्नसम्म सवारी पास वितरण गरिएको छ।

‘मंसिर महिना भएकाले धेरैले बिहेका लागि पास लगेका छन्’, अधिकृत दाहालले भने, ‘शेर्पा समुदायले मलामी जानका लागि दुई वटा पास लगेका छन्।’

त्यस्तै, उम्मेदवार, प्रेस, अस्पताल, पर्यटन व्यवसायी, एयरलाइन्स, सेना तथा प्रहरीले धेरै पास लिएका छन्। विदेश जाने, परीक्षा दिनेहरुले पनि पास लिएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अवैध रुपमा लाओस भई थाइल्यान्ड छिरेका नेपालीलाई फर्काइयो नेपाल

एक महिनादेखि रेसुङ्गा विमानस्थलमा हवाई सेवा बन्द

ट्रम्पको शपथग्रहणकै दिनबाट गैरकानूनी आप्रवासी पक्राउ र डिपोर्ट हुँदै, सिकागोबाट सुरु हुने