आलम हत्याकाण्डका मुख्य योजनाकार कुशवाहलाई जन्मकैद फैसला

सुरक्षा/अपराध

नेपाल लाइभ शुक्रबार, वैशाख २०, २०७६ १३:३२

जनकपुर- बाराको परवानीपुरका मुस्लिम इत्तेहाद संगठनका तत्कालीन अध्यक्ष महमुद आलम हत्याकाण्डका मुख्य योजनाकार रामचन्द्र कुशवाह प्यासीलाई उच्च अदालत जनकपुरको अस्थायी इजलासले जन्मकैदको फैसला सुनाएको छ।

बारा जिल्ला अदालतले २०७३ बैसाख १५ मा गरेको फैसलाविरुद्ध महमुद आलमकी श्रीमती नजमा खातुनले उच्च अदालत वीरगन्जमा रिट दायर गरेकी थिइन्। रिटमा मंगलबार मुख्य न्यायाधीश डिल्लीराज आचार्य र चन्द्रबहादुर सारूको इजलासले बारा जिल्ला अदालतको फैसलालाई उल्टाई कुशवाहको हकमा गरेको १० वर्षको सजायमा थप गरेर आजीवन कारावासको फैसला सुनाएको हो।

बारा अदालतले मुख्य योजनाकार प्यासीलाई १० वर्ष र मोटरसाइकल चालक रवि पाण्डे भनिने राजेश मिश्रालाई जन्मकैदको फैसला गरेपछि उनका आफन्तले न्यायालयको फैसलामा असन्तुष्टि जनाउँदै उच्च अदालतमा रिट दायर गरेका थिए।

मुख्य योजनाकार बाराको प्रसौनी गाउँपालिकाका प्यासीलाई साविक मुलकी ऐनको ज्यानसम्बन्धी महल ३ (४) बमोजिम जन्मकैदको सजाय सुनाइएको हो। सहयोगी तीन जना भारतीय नागरिकमध्ये राजेश पाण्डेलाई १५ वर्ष तथा अतिक खान भनिने अशोक श्रीवास्तव र बर्मा भनिने राजु श्रीवास्तवलाई १०–१० वर्षको सजाय सुनाइएको छ।

हत्याका सुटर बिक्की यादव भने हालसम्म फरार छन्। उनी भारतमा लुकेर बसेको र नेपाल प्रहरी तथा सिआइबीले उनलाई मोस्ट वान्टेडको सूचीमा राखे पनि पक्राउ गर्न सकेको छैन।

आलम तल्कालीन एमालेका नेता थिए भने २०७० सालको दोस्रो संविधानसभाको निर्वाचनमा बारा क्षेत्र नं ४ बाट उम्मेदवार थिए। आलमको २०७० असोज १८ गते हत्या भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

बनस्थलीबाट माइक्रोबस चोरेर धादिङ पुर्‍याउने व्यक्ति पक्राउ

घट्यो पेट्रोलियम पदार्थको मूल्य, कुनमा कति ?

एकैपटक देशभर किन भयो विद्युत् अवरुद्ध?