एजेन्सी– पाकिस्तानी क्रिकेट टिमका पूर्व कप्तान साहिद अफ्रिदीको आत्मकथा सार्वजनिक भएको छ। आत्मकथामा सार्वजनिक भएका धेरै नयाँ कुरा मध्ये अफिदीको उमेर चर्चित बनेको छ।
अफ्रिदीले क्रिकेट खेल्नका लागि अफिसियलहरुले आफ्नो उमेर ५ वर्ष घटाएको आत्मकथामा उल्लेख गरेका छन्। उनी सन् १९९६ को अक्टोबरमा सिनियर टिममा परेका थिए। त्यतिबेला उनको उमेर घटाइएको बताएको छ।
अफ्रिदीको जन्म १ मार्च १९९० मा भएको मानिदै आएको छ। तर अफ्रिदीले आफ्नो जन्म १९७५ मै भएको आत्मकथामा लेखेका छन् । तर उनले कुन महिना जन्मिएको उल्लेख गरेका छैनन्।
३७ बलमा शतक प्रहार गरेर रेकर्ड बनाउदा उनको उमेर १७ वर्षको थियो। तर अहिले वास्तविक उमेर सार्वजनिक भएपछि उनले शतक प्रहार गर्दा उमेर २२ वर्षको भएको देखिएको छ।
यस्तै उनले यु–१९ सिरिज पनि खेलेका थिए। तर उनी त्यतिबेला १९ वर्ष भन्दा माथि उमेरको रहेको अहिले खुलेको छ।
अफ्रिदीले अन्तर्राष्ट्रिय क्रिकेटबाट संन्यास लिइसकेका छन्। तर उनले फ्रेन्चाइज लिग भने खेलिरहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
