काठमाडौं- चिठ्ठा परेको भन्दै ४० लाख रुपैयाँभन्दा बढी रकम ठगी गर्ने भारतीय र चिनियाँ नागरिकलाई प्रहरीले पक्राउ गरेको छ। सामाजिक सञ्जालमार्फत् ठगी गर्ने उनीहरुलाई प्रहरीले मंगलबार राजधानीबाट पक्राउ गरेको हो।
भारतीय नागरिक अमित कुमार र चिनियाँ नागरिक वाङ होङ्छीलाई प्रहरीको केन्द्रीय अनुसन्धान ब्यूरो (सिआइबी)ले पक्राउ गरी अनुसन्धान थालेको छ।
मद्रासी कोलोनी सेक्टर २१ पञ्जकुला हरियाना घर भएका अमित कुमारलाई सिआइबीको टोलीले काठमाडौं महानगरपालिका–८ अनमोल गेस्ट हाउसबाट र चिनियाँ नागरिक वाङलाई ठमेलस्थित सातघुम्तीबाट प्रहरीले पक्राउ गरेको हो।
ठगी गरेको रकम भने भारतीय नागरिक अमति कुमारलाई जम्मा गर्न लगाएर अन्य व्यक्तिले पछि बाँडेको प्रहरी अनुसन्धानबाट खुलेको छ।
उनीहरुले सोझासिधा मान्छेको पहिचान गरी चिठ्ठा परेको भन्दै सामाजिक सञ्जालमा म्यासेज पठाउने काम गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
