काठमाडौँ- राष्ट्रिय सांस्कृतिक अध्ययन केन्द्रले वाङ्मय शताब्दी पुरुष सत्यमोहन जोशीलाई अभिनन्दन गरेको छ।
नेपालको इतिहास, नेपाली भाषा, कला, साहित्य, धर्म, संस्कृतिको श्रीवृद्धिमा आठ दशक लामो योगदान पुर्याभएबापत जोशीलाई फेटा बानेर रजतपत्रले सम्मान गरिएको हो।
कार्यक्रममा नेपाल संस्कृत विश्वविद्यालयका उपकुलपति प्राडा कुलप्रसाद कोइरालाले उनलाई अभिनन्दन गर्दै मुलुकका ग्रामीण भेगमा प्रचलनमा रहेका नेपाली संस्कृतिको खोजी गरेर जोशीले त्यसलाई अन्तर्राष्ट्रिय तहमा पुर्यालएकोमा सराहना गरे।
अभिनन्दित जोशीले इतिहासको अध्ययनबिना संस्कृतिको खोजी गर्न नसकिने बताउँदै नेपाली भाषाको व्यूत्पति स्थल सिंजा क्षेत्र भाषा तथा साहित्यको धनी भए पनि त्यहाँको जनजीवनमा आर्थिक समृद्धि पुग्न नसकेकामा चिन्ता व्यक्त गरे।
केन्द्रका कार्यकारी निर्देशक प्रा जगमान गुरुङले अहिले नेपाली संस्कृति कचमचिएको बताउँदै नेपाली राष्ट्रियताको जागरण र सुदृढीकरणका लागि केन्द्रले अध्ययन अनुसन्धान गरिरहेको जानकारी दिए।
सोही कार्यक्रममा केन्द्रद्वारा प्रकाशित ‘लामा–विष्णुः सांस्कृतिक समन्वयका प्रतीक’र ‘दाङको चौघेरास्थित सिद्ध रतननाथ मठको सांस्कृतिक अध्ययन’ नामक पुस्तक विमोचन गरिएको थियो।रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764421784.jpg)
-1764421490.jpeg)
-1764416325.jpg)
-1764146706.png)
-1763721444.png)
-1763559424.jpg)
-1764080971.png)
