काठमाडौ- एनसेल लाभकर विवाद करिब सात वर्षपछि किनारातिर पुगेको छ। मंगलवार ठुला करदाता कार्यालय कार्यालयले सर्वोच्चको फैसलाअनुसार एनसेलको लाभकर दायित्व निर्धारण गरेपछि यो विवाद समाधानतिर गएको हो।
ठुला करदाताको नयाँ निर्धारणअनुसार एनसेलले कुल ६२ अर्ब ६३ करोड ४९ लाख ७५ हजार ५ सय ६६ रुपैयाँ लाभकर तिर्नुपर्नेछ।
यसअघि एनसेलले कर तथा विलम्ब शुल्कसहित २३ अर्ब ५७ करोड ४२ लाख ७५ हजार ५ सय ६६ भुक्तानी गरिसकेको छ। कूल रकममा यो रकम घटाउँदा अब एनसेलले ३९ अर्ब ६ करोड ६ लाख तिर्नुपर्ने देखिएको ठुला करदाता कार्यालयले जानकारी दिएको छ। कार्यालयले एनसेललाई बाँकी रकम तिर्न समेत भनेको छ।
सर्वोच्चले ८० प्रतिशत शेयर बिक्री गरेको कम्पनी टेलिया सोनेरा स्वीडेनलाई नलाग्ने भनी फैसला गरेपछि ठुला करदाता कार्यालयले एनसेलले नै लाभकर तिर्नुपर्ने भन्दै पुनः कर निर्धारण गरेको हो।
ठुला करदाता कार्यालयले कर निर्धारण गरेको सूचना एनसेलले मंगलबार नै बुझेको छ। कार्यालयका अनुसार ब्याज ८ अर्ब ३९ करोड ८ लाख १२ हजार ३ सय ४२ रुपैया निर्धारण गरेको छ। २०७४ वैशाख २६ देखि २०७४ जेठ २१ सम्मको पुँजीगत लाभकर बापत अग्रीम २१ अर्ब ५४ करोड ८० लाख ५५ हजार ९ सय तिरेको थियो। बिलम्व शुल्क बापत २ अर्ब २ करोड ६२ लाख ३४ हजार ८ सय ५१ रुपैया बुझाएको थियो। कार्यालयले उक्त रकम घटाएर अब ३९ अर्ब थप बुझाउनु पर्ने लाभकर निर्धारण गरेको हो।
एनसेल करछलीको सुरुवात
निजीस्तरको दुरसञ्चार प्रदायक कम्पनी एनसेलको कर छली २०५८ असार ७ गतेदेखि नै सुरु भएको हो।
एक कम्पनीबाट अर्कोमा सेयर स्थानान्तरण गर्ने र त्यसबापत लाभकर नतिर्ने खेलमा एनसेल त्यही बेलादेखि सक्रिय थियो।
नेपाल लाइभलाई प्राप्त तथ्यांकअनुसार, ०५८ देखि ०७२ सम्ममा एनसेलको सेयर १२ पटक किनबेच भएको देखिन्छ।
०५८ मा एक पटक, ०६१ मा तीन पटक, ०६२ मा एक पटक, ०६३ मा दुई पटक ०६४, ०६५ र ०६७ मा एकरएक पटक सेयर खरिद–बिक्री गरिएको देखिन्छ। यस्तै, ०६८ मा दुई पटक र ०७२ मा एक पटक सेयर किनबेच भएको छ।
०५८ साल असार ७ गतेसम्म स्पाइस नेपाल प्रालिको नाममा एनसेल (तत्कालीन समयमा मेरो मोबाइल) को शतप्रतिशत सेयर थियो। जसको सेयर मूल्य तत्कालीन समयमा १ करोड रुपैयाँ थियो।
स्पाइसले ५५ प्रतिशत सेयर भारतीय कम्पनी मोदी कर्प लिमिटेडलाई बिक्री गरेको थियो।
त्यस्तै, अर्को भारतीय कम्पनी स्पाइस सेल लिमिटेडको नाममा ५ प्रतिशत र खेतान ग्रुप लिमिटेडको नाममा ४० प्रतिशत रहेको तथ्यांक देखिन्छ।
यो पनि:
कहिलेबाट सुरु भएको थियो एनसेल कर छलीको खेल?
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
