भोट माग्न हिँडेका राप्रपा कार्यकर्ताको भीरबाट लडेर मृत्यु

ब्लग

नेपाल लाइभ मंगलबार, कात्तिक २८, २०७४ ०८:२९

खोटाङ- नेपाली कांग्रेसका उम्मेदवारलाई भोट माग्न गएका राप्रपा खोटाङका जिल्ला सदस्यको भीरबाट लडेर मृत्यु भएको छ।

मंसिर १० गते हुने प्रतिनिधि तथा प्रदेशसभा निर्वाचनमा प्रत्यक्षतर्फ कांग्रेस उम्मेदवारलाई सघाउने पार्टीले निर्णय गरेपछि भोट माग्न गएका राप्रपाका जिल्ला सदस्य केशरमान विश्वकर्माको गएराति भीरबाट लडेर मृत्यु भएको हो।

हलेसी तुवाचुङ नगरपालिका–११ राजापानी घर भएका ४९ वर्षीय विश्वकर्मा आइतबार कांग्रेसको टोलीसँग गाउँमा भोट माग्न गएका थिए। गाउँमा भोट मागेर राति घर फर्किएका उनको साल्लेभिरबाट लडेर मृत्यु भएको स्थानीयवासीले बताएका छन्।

घरबाट बिहान सबेरै हिँडेका उनी रातभर नआएपछि खोजी गर्ने क्रममा सोमबार मृत फेला परेका थिए।
मृत्युको बारेमा अनुसन्धान गर्न टोली परिचालन गरिएको जिल्ला प्रहरी कार्यालय, खोटाङका प्रहरी नायब उपरीक्षक लोकदर्शन थापाले जानकारी दिए।रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नयाँ अध्ययन: महिलामा क्यान्सरका घटना बढ्दै, पुरुषमा घट्दै

सरकार ढल्न लाग्यो भन्नु विपक्षीको छटपटी मात्र हो : उपमहासचिव ज्ञवाली

फुल कन्ट्याक्टमा नेपाललाई ६ स्वर्णसहित २५ पदक