पेरिस- पेरिसकाे प्राचीन तथा संसारभर चर्चित गिर्जाघर 'नाेट्री डम' भिषण आगलागी भएकाे छ। आगाे केहीबेरमै पुरै भवनभरि फैलिएकाे थियाे।
के कारणले आगाे लागेकाे हाे अझैसम्म स्पष्ट हुन सकेकाे छैन। पछिल्लाे केही समयदेखि यस गिर्जाघरकाे पुनर्निर्माण चलिरहेकाे थियाे। पेरिसका अधिकारीहरुले पुनर्निर्माणकै समयमा असावधानीवश आगाे लागेकाे हुनसक्ने अनुमान गरेका छन्।
गिर्जाघरमा लागेकाे आगाे निभाउने प्रयास भइरहेकाे छ। प्रमुख गिर्जाघरकाे चुचुराे र छत पूर्णरुपमा जलेर ध्वस्त भएकाे छ।
पछिल्लाे केही समयदेखि जिर्ण बनेकाे यस गिर्जाघरकाे पुनर्निर्माणका लागि आर्थिक सहयाेग गर्न आह्वान गरिएकाे थियाे। करिब ८ सय वर्ष पुरानाे याे गिर्जाघर निक्कै जिर्ण अवस्थामा थियाे। भवन चर्किएकाे देखिन थालेपछि यसकाे पुनर्निर्माणकाे काम थालिएकाे थियाे।
आगलागीपछि फ्रान्सका राष्ट्रपति इम्यानुएल म्याक्रोले घटनास्थलकाे अवलाेकन गरेका छन्। साे क्रममा उनले यस घटनाबाट प्रताडित सबै क्याथाेलिक समुदाय र फ्रान्सेली जनताकाे साथमा आफू रहेकाे बताए।
'आज पुरै देशवाशीसँगै म पनि निक्कै दुःखी छु, मलाई याे देखेर गहिराे ठेस पुगेकाे कि हाम्राे एक हिस्सा जलिरहेकाे छ', जलिरहेकाे संरचनातर्फ हेर्दै म्याक्राेले भने।
राष्ट्रपति भवनका अधिकारीका अनुसार आगलागीकाे खबरसँगै राष्ट्रपतिले आज देशवाशीका नाममा गर्ने तय भएकाे सम्बाेधन समेत स्थगित गरेका छन्।
गिर्जाघरका एक प्रवक्ताका अनुसार भवनकाे सबै हिस्सामा आगाे लागेकाे छ। 'गिर्जाघरमा आगाे लाग्न बाँकि कुनै भाग छैन, मात्र याे जाँच्न बाँकि छ कि गुम्बज सुरक्षित छ या छैन', उनले भने।
याे गिर्जाघर फ्रान्सका मुख्य ऐतिहासिक धराेहरमधये एक मानिन्छ। सँगसँगै यसलाई संसारभरकै पुरानाे गिर्जाघरकाे रुपमा लिइन्छ। वर्षेनी लाखाैं पर्यटक साे स्थानमा घुम्न तथा प्रार्थनाका लागि साे स्थानमा जाने गर्दथे।
अधिकारीका अनुसार आगलागीकाे कारणबारे छानबीन गर्न एक समिति गठन गरिएकाे छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
