डोल्पामा बढ्यो चुनावी चहलपहल

ब्लग

नेपाल लाइभ सोमबार, कात्तिक २७, २०७४ १५:५२

दुनै, डोल्पा – आसन्न प्रतिनिधिसभा र प्रदेशसभाको निर्वाचन नजिकिँदै गर्दा जिल्लामा चुनावी गतिविधि बढ्दै गएको छ।

आ–आफ्नो पक्षमा मत माग्दै उम्मेदवारहरु ठाउँ–ठाँउमा कोणसभा, आमसभा, ¥याली र घरदैलो कार्यक्रम गरिरहेका छन्।

जिल्लामा दिन प्रतिदिन चिसो बढ्दै गएको छ । दैनिकी जाडोका कारण कष्टकर बन्दै गएको छ । चिसोको प्रवाह नगरी कार्यकर्तासहित उम्मेदवार मत माग्न घरदैलो गरिरहेका छन्।

जाडोको प्रवाह नगरी उम्मेदवार उपल्लो डोल्पाको धो, तिन्जे, भिजेर, छार्कालगायत बस्तीमा घरदैलो गरिरहेका छन् । आ–आफ्नो जित सुनिश्चित गर्न उनीहरुले अभियान तीव्र पारेका छन्।

जिल्लामा प्रतिनिधिसभाका लागि वाम गठबन्धनबाट धनबहादुर बुढा र काँग्रेसबाट अंगत बुढा उम्मेदवार छन्। प्रदेशसभा ‘क’ मा वाम गठबन्धनबाट एमालेका नन्दसिहं बुढा र काँग्रेसका बेगमसिहं ठकुरी उम्मेदवार छन्। प्रदेशसभा ‘ख’ मा वाम गठबन्धनबाट माओवादी केन्द्रका वीरबहादुर शाही र काँग्रेसबाट सुरेश शाही उम्मेदवार रहेका छन्। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुडानमा विद्रोही अर्धसैनिक समूहको आक्रमणमा १४ जनाको मृत्यु

खो खो विश्वकप : पुरुषतर्फ पनि नेपाल उपविजेता, भारत च्याम्पियन

कोलम्बियामा विद्रोहीको आक्रमणमा परी ६० जनाको मृत्यु