लागूऔषधसहित ३ जना पक्राउ

नेपाल लाइभ | २०७६ बैशाख १ आइतबार | Sunday, April 14, 2019 २१:२६:०० मा प्रकाशित

जनकपुर– महोत्तरीको सम्सीबाट लागूऔषधसहित प्रहरीले ३ जनालाई पक्राउ गरेको छ।

महोत्तरीको सम्सी प्रहरी चौकीबाट खटिएको टोलीले महोत्तरीको बर्दिवास नगरपालिका–९ का देव कृष्ण महतो, धनुषाको बटेश्वर गाउँपालिका १ का राम देव महतो, २ का विजय कुमार महतोलाई चेकजाँचको क्रममा लागू औषधसहित पक्राउ गरेको हो।

सम्सी प्रहरी चौकीका इन्चार्ज आदित्य नारायण सिंहले दिएको जानकारी अनुसार पक्राउ परेकाहरूका साथबाट प्रहरीले नाइट्रोभेट ट्याब्लेट ६ सय थान बरामद गरेको छ।

साथै उनीहरुले प्रयोग गरेको ज९प ६३७१ नम्बरको मोटरसाइकल समेत प्रहरीले नियन्त्रणमा लिई कारबाही प्रक्रिया अघि बढाएको जनाइएको छ।