कांग्रेस पार्टी गिरोहले चलाइरहेको छ : डा शेखर कोइराला

राजनीति

नेपाल लाइभ सोमबार, चैत २५, २०७५ २१:५६

फाइल तस्बिर

गाईघाट– नेपाली कांग्रेसका केन्द्रीय सदस्य डा शेखर कोइरालाले कांग्रेसलाई गिरोहले चलाएको टिप्पणी गरेका छन्।

गिरिजाप्रसाद कोइराला फाउन्डेशन उदयपुरको पदस्थापन तथा फोटो प्रदर्शनी कार्यक्रमलाई सम्बोधन गर्दै कोइरालाले यस्तो बताएका हुन्।

आगामी चौधौं महाधिवेशन समयमै नगर्ने हो भने कांग्रेस अझ कमजोर हुने उनको दाबी छ।

'कांग्रेसका नेता/कार्यकर्तामा व्यक्तिवादी चरित्र जातियता र साम्प्रदायिकता बढ्दै गएको छ। यसले कसैको भलो हुने छैन,' कोइरालाले भने।

गुट र उपगुटमा विभाजित कांग्रेसलाई एकढिक्का बनाउदै अघि बढ्ने नेतृत्व आगामी महाधिवेशनबाट चयन हुन सके मात्रै कांग्रेस, मुलुक र संघीयता बलियो हुने उनको जिकिर छ।

जिल्ला सभापतिहरुको भेलाले राखेको माग उचित भएको पनि कोइरालाले बताए।

’त्यो माग पार्टीका महासमितिका अधिकांश सदस्यहरुको भएकाले सम्बोधन गर्नुको विकल्प छैन,‘ उनले भने।

कांग्रेसले जिम्मवार प्रतिपक्षको भुमिका निभाउन नसक्दा सरकार अधिनायकवादतर्फ अघि बढेको कोईरालाको ठम्याइ छ।

प्रजातन्त्रको मुलभूत सिद्धान्तलाई बेवास्ता गर्दै सरकार अराजक र अधिनायकवादी शैलीमा हिडेको उनको दाबी थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

चितवनमा रविको बयान सकियो, थुनछेक बहस आजैबाट

महिला टी-२०आई शृंखला : पाँच खेल खेल्दा पनि जितविहीन नेपाल, पाँचौं खेलमा नेदरल्याण्ड्ससँग १० विकेटले पराजित

निर्माणधीन झोलुङ्गे पुलबाट खसेर दुई जना बेपत्ता