अदिस अबाबा– १ सय ५७ जनाको मृत्यु हुनेगरि भएको इथियोपियन इयरलाइन्सको विमान दुर्घटनाको कारणबारे पहिलो रिपोर्ट सार्वजनिक भएको छ। रिपोर्टमा विमान दुर्घटनामा पर्नुअघि केही पटक अनियन्त्रित भएको उल्लेख छ।
केहि साताअघि इथियोपियन एयरलाइन्सको ‘बोइङ–७३७ म्याक्स’ विमान इथियोपियाको अदिस अबाबाबाट उडान भरेको केही मिनेटमै दुर्घटनामा परेको थियो।
बिहीबार सार्वजनिक गरिएको प्रारम्भिक रिपोर्टमा दुर्घटनामा पर्नुअघि विमानका चालकले बोइङले सिफारिस गरेका सबै प्रकृयाहरु पटक–पटक पालना गरेको जनाइएको छ। ‘अधिक प्रयासका बाबवुद पनि चालकले विमानलाई दुर्घटनाबाट जोगाउन सकेनन्’, इथियोपियाका यातायात मन्त्री डागमावित मोग्सले बताए।
फ्लाइट नम्बर ‘इटी–३०२’ विमान केन्याको नैरोबीका लागि उडेको थियो। पछिल्लो ५ महिनामा ‘बोइङ–७३७ म्याक्स’ विमान दुर्घटनामा परेको यो दोस्रो घटना हो। गएको अक्टोबरमा लायन एयरलाइन्सको फ्लाइट नम्बर ‘जेटी–६१०’ विमान इन्डोनेसियाको समुद्री इलाकामा दुर्घटना हुँदा विमानमा सवार सबै १ सय ८९ जनाको मृत्यु भएको थियो।
अदिस अबाबामा पत्रकार सम्मेदन गर्दै मन्त्री मोग्सले भने, ‘निर्माण कम्पनी बोइङले सिफारिस गरेका सबै प्रकृया अवलम्बन गरेको भएपनि विमान चालकले दुर्घटना टार्न सकेनन्।’
‘विमान चालकले उच्च तहको कार्यक्षमता देखाएको देखिन्छ। यसकारण म चालकप्रति गर्व गर्छु’, इथियोपियन एयरलाइन्सका कार्यकारी अधिकृत टिओल्डी गेब्रेमारियमले भने, ‘दुर्भाग्यवस चालकले विमानलाई नियन्त्रणमा लिन सकेनन्।’
उक्त दुर्घटनापछि ‘बोइङ–७३७ म्याक्स’ विमानमा समस्या भएको भन्दै सो मोडलका सबै विमानहरु ग्राउन्डेड गरिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769064009.png)
-1764146706.png)
