काठमाडौं– नेपाली कांग्रेसका नेता तथा पूर्व स्वास्थ्यमन्त्री गगन थापा यतिबेला एउटा ‘लघु कोर्स’ को विद्यार्थीका नाताले अमेरिकामा छन्।
अमेरिकाको हार्वर्ड विश्वविद्यालयस्थित हार्वर्ड केनेडी स्कुलमा छोटो अवधिको ‘एक्काइसौं शताब्दीको लागि विश्वव्यापी नेतृत्व र सार्वजनिक प्राशसन’ विषयमा अध्ययन गरिरहेका नेता गगनबारे नेपालस्थित अमेरिकी दूतावासले तस्बिर र केही जानकारी सम्प्रेषण गरेको छ।
अमेरिकी दूतावासले आफ्नो फेसबुक पेजमा गगनले अध्ययन प्रक्रियामा सहभागी भएको तस्बिर राखेर लेखेको छ, ‘हेर्नुस् त कक्षामा को छ? उहाँ भन्नुहुन्छ मलाई युवा रहिरहनुछ र सिकाइ एक यस्तो विषय हो, जसले युवा रहन सहयोग गर्छ। सिकाइ तथा कक्षामा फर्कन पाउँदा मैले आफूलाई अत्यन्तै युवा महसुस गरिरहेको छु। एकदम रमाइलो लागेको छ। हामी उहाँलाई रमाइलो सिकाइको कामना गर्छौंं।’
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।