काठमाडौं- फिल्म ‘ए मेरो हजुर ३’ले बुधबार काठमाडौंमा एक कार्यक्रमको आयोजना गरि ट्रेलर सार्वजनिक गरेको छ। विभिन्न कलाकर्मी तथा सञ्चारकर्मीहरुको उपस्थितिमा फिल्म युनिटले अभिनेत्री तथा झरना थापाको जन्मदिन पनि एकसाथ मनाएको हो।
फिल्मलाई अभिनेत्री झरना आँफैले निर्देशन गरेकी हुन् भने फिल्मलाई उनकै श्रीमान सुनिलकुमार थापाले निर्माण गरेका हुन्। फिल्मा अभिनेता अनमोल केसी र उनै झरनाकी छोरी सुहानाको अभिनय रहेको छ। फिल्म ए मेरो हजुर ३बाट सुहानाले डेब्यु समेत गर्दैछिन्।
यसैक्रममा बुधबार आमा झरनाको जन्मोस्तवको केक काट्नु अघि सञ्चारकर्मीहरुसँग पहिलो पटक सुहानाले आफ्ना कुरा राख्ने अवसर पाइन्।
तर सञ्चारकर्मीकहरुको बाक्लो उपस्थिति र क्यामेराहरुकोको उल्लेख्य उपस्थितिका कारण सुहानाले आफूले भन्न खोजेका कुरापनि भन्न नसकेको प्रतिकृया दिइन्।
आफ्ना बुबाआमा तथा अभिनेताहरु अनमोल केसी, सलोन बस्नेतसँगै बसेकी सुहानाले भनिन्, ‘मेरो लागि यो नयाँ यात्राको सुरुवात हो। यति धेरै कुराहरु सोचेर कार्यक्रममा आएकी थिएँ। तर, धेरै क्यामेरा देखेर के बोलुम बोलुम भयो।’
उनले फिल्म ‘ए मेरो हजुर’, ‘ए मेरो हजुर-२’लाई अग्रज कलाकाररुले न्यायका साथ माथिल्लो हाइपमा पुर्याएको र ‘ए मेरो हजुर–३’मा अनमोल केसीसँग आँफुले अभिनय गरेको त्यसको निरन्तरता दिएको बताईन्।
त्यस्तै अभिनेत्री झरना थापाले, छोरि सुहानको भविष्य अब सबै दर्शकहरुमा माझ छोडेको बताइन्। झरनाले भनिन्,‘आफू हिँडेको बाटोमा छोरीलाई पनि लिएर आएकी छु । आजबाट तपाईंहरुमाझ छोरी सुहानालाई सुम्पिएको छु । आर्शिवाद र साथ दिनुहोला ।’ उनले कार्यक्रममा थपिन्,‘जसरी विगतमा म यहाँहरुको मन र मस्तिष्कमा बस्न सफल भएँ। यहाँहरुलाई रिझाउन सकेँ । सुहाना पनि यसमा सफल हुनेछिन्।’
फिल्म यहीँ चैत २९ गतेबाट प्रदर्शनमा आउने छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
