होटलको हिसाब विवादमा बिजेश्वरीमा व्यवसायिक साझेदारको हत्या

ब्लग

नेपाल लाइभ मंगलबार, कात्तिक १४, २०७४ १५:४६

काठमाडौं– होटलको हिसाबको विवादमा एक युवकले आफ्नै व्यवसायिक साझेदारको हत्या गरेका छन् । गोरखा घर भई नयाँबजार बस्ने राम परियारको साथीबाटै गत साता हत्या भएको हो ।

उनकै साथी सन्तोष भन्ने लालमान श्रेष्ठले उनको हत्या गरेका हुन् । घटनाको एक सातापछि प्रहरीले लालमानलाई सोमबार प्रहरीले पक्राउ गरेको छ ।

महानगरीय अपराध महाशाखाका अनुसार दुवै जना मिलेर विगत ६ महिनदेखि नयाँबजारमा ‘नयाँबजार खाजा घर’ चलाउदै आएका थिए । गत कात्तिक ५ गते सोही खाजाघरको हिसाबकिताबको विषयमा उनीहरुबीच बिजेश्वरीस्थित डेरामा विवाद भएको थियो । दुवै जनाले मदिरा पिएका थिए ।

हिसाबको विषयमा विवाद हुँदा लालमानले लोहोरो र गमलाले टाउकोमा हानेर राम परियारको हत्या गरेका हुन् । हत्यापछि परियारको औंठी तथा पैसा लिएर कोठामा ताल्चा लगाएर उनी भागेका थिए ।

कात्तिक ११ गते कोठामा दुर्घन्ध आएपछि घरबेटीले हेर्दा परियार मृत अवस्थामा भेटिएका थिए । फरार भएका श्रेष्ठलाई सोमबार पुतलीसडकबाट पक्राउ गरिएको प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जीतपुरसिमराका तत्कालीन गाविस सचिवविरुद्ध ३८ लाखको भ्रष्टाचार मुद्दा

वाग्मतीमा समस्याग्रस्त सहकारी संस्थाको संख्यामा वृद्दि , १३७ संस्थाविरूद्ध उजुरी

टर्कीमा अवैध रुपमा बसेका पाँच नेपाली निष्काशित