काठमाडौं। भारतका पूर्वअन्तर्राष्ट्रिय क्रिकेटर इरफान पठान नेपाल आइपुगेका छन्। उनी बिहीबार नेपाल आइपुगेका हुन्।
सन् २००७ को आईसीसी पुरुष टी–२० विश्वकप विजेता भारतीय टोलीका सदस्य पठानलाई नेपाल प्रिमियर लिग (एनपीएल) को फ्रेन्चाइजी पोखरा एभेन्जर्सले क्रिकेट एम्बासडर नियुक्त गरेको थियो।
भारतका पूर्व बायाँहाते तीव्र गतिका बलर तथा अलराउन्डर पठानले अन्तर्राष्ट्रिय क्रिकेटमा बलिङ र ब्याटिङ दुवैबाट प्रभाव छाडेका थिए। भारतले सन् २००७ मा पहिलो पटक टी–२० विश्वकप जित्दा उनी टोलीका महत्त्वपूर्ण सदस्य थिए।
४१ वर्षीय पठानले भारतका लागि २९ टेस्ट, १२० एकदिवसीय र २४ टी–२० अन्तर्राष्ट्रिय खेल खेलेका छन्। उनले टेस्टमा एक शतकसहित १ हजार १०५ रन बनाउनुका साथै १०० विकेट लिएका छन्। एकदिवसीयमा १ हजार ५४४ रन र १७३ विकेट तथा टी–२० अन्तर्राष्ट्रियमा १७२ रन र २८ विकेट उनको नाममा छ।
यता‚ पोखराले भने एनपीएलको प्लेअफ दौडबाट लगभग बाहिरिइसकेको छ। पोखराको पाँच खेलबाट दुई अंक मात्रै छ। बाँकी खेल जिते पनि अधिकतम ६ अंकमा पुग्नेछ। शीर्ष चारमा पुग्न आवश्यक अंकसम्म नपुग्ने हुँदा उसलाई बाँकी टोलीको खेलमा अप्रत्याशित नजिता पनि आवश्यक रहनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
